ધોળકામાં કેડિલા કંપનીએ કામદારોને છૂટા કર્યા

ધોળકા ખાતે ત્રાસદ રોડ પર આવેલ કેડીલા ફર્માસ્યુટીકલસ કંપનીમાં કામ કરતા 200 જેટલા વર્કરોને કોઈ કારણ કીધા વગર છૂટા કરી દેવાતા વર્કરો દ્વારા હલ્લા બોલ કરાયો હતો. ઉલ્લેખનીય છે કે અગાઉ 130 વર્કરોને નોકરીમાંથી કાઢી મૂકવામાં આવ્યાં હતા અને થોડા દિવસ પહેલાં પણ 40 જેટલાં વર્કરો ને કાઢી મૂકવામાં આવ્યાં હતાં અને હાલ વધું બીજાં વર્કરો ને નોકરી માથી કાઢી મૂકવા કોન્ટ્રાકટરને કંપની દ્વારા આદેશ કરવમાં આવ્યાં હોવાના આક્ષેપ થઈ રહ્યાં છે.

 કેડીલા ફર્માસ્યુટિકલ કંપની ના ગેટ બહાર 200 થી વધુ વર્કરો દ્વારા હલ્લાબોલ કરવામાં આવ્યો હતો. ત્યારે વારંવાર ધોળકાની કેડીલા કંપની દ્વારા વર્કરોને છુટા કરવામાં આવતાં અનેક સવાલો ઉઠી રહ્યા છે.

ત્યારે કપની દ્વારા વર્ષો જૂના વર્કરો ને કાઢી મૂકી નવા કારીગરો લેતાં હોવાનું જૂના વર્કરો દ્વારા જાણવા મળ્યું હતું. ત્યારે જુના વર્કરોને કાઢી મૂકવાનું કંપની મગનું નામ મરી પાડતી નથી. ચાર મહિનાના ઓવારટાઈમ ના પૈસા પણ નહીં ચૂકવ્યા હોવાનો, એલાઉસમેન્ટ કાપવા હોવાનું વાત અને બોનસ માં પણ લોચો માર્યા હોવાનો વર્કરો દ્વારા આક્ષેપ કરવામાં આવ્યો હતો. આ બનાવ ની જાણ થતાં સ્થાનિક પોલીસ ઘટના સ્થળે પહોંચી હતી.