Banaskantha: દાંતીવાડામાં 6.3 ઈંચ વરસાદ, પાલનપુર હાઈવે પર જળબંબાકાર!

રાજ્યમાં છેલ્લા 3-4 દિવસથી છુટો છવાયો વરસાદ વરસી રહ્યો હતો. ત્યારે હવામાન વિભાગે 16 જુલાઈ સુધી ભારે વરસાદની આગાહી કરી હતી. ત્યારે આજે બનાસકાંઠાના પાલનપુર અને ડીસામાં ભારે વરસાદ વરસ્યો હતો. છેલ્લા 24 કલાકમાં સૌથી વધુ દાંતીવાડામાં 6.3 ઈંચ, પલાપુરમાં  4.56 ઈંચ, ડીસામાં 3.66 ઈંચ, દાંતામાં 3.07 અને વડગામમાં 2.52 ઈંચ વરસાદ નોધાયો હતો. 

બનાસકાંઠા જિલ્લામાં ભારે વરસાદને કારણે ઠરે ઠરે પાણી ભરાયા : 

બનાસકાંઠામાં ભારે વરસાદને પગલે ઘણી જગ્યાએ પાણી ભરાયેલું હતું જેના કારણે વાહન ચાલકોને મુશ્કેલીનો સામનો કરવો પડ્યો હતો. પાલનપુર હાઈવે પર ઘુટણ સમા પાણી ભરાયા વાહન વ્યવહાર ખોરવાયો હતો. હાઈવેનો એક તરફનો રસ્તો બંધ કરવાની ફરજ કરવામાં આવી હતી. આજ સવારથી વડગામ,પાલનપુર, ડીસા,દાંતીવાડા,દિયોદર,થરાદ, લાખણી, ધાનેરા,વાવ, સુઈગામ અને કાંકરેજમાં વરસાદ પડ્યો હતો. વરસાદની ધમાકેદાર બેટિંગના કારણે બનાસકાંઠા જિલ્લાના નદીનાળા છલકાયા હતા. આલવાડાનું વહેણ શરુ થતા ખેડૂતોમાં ખુશી જોવા મળી હતી. ભારે વરસાદને કારણે નદીમાં પાણીની આવક શરુ થઈ હતી. 

હવામાન વિભાગની આગાહી : 

રાજ્યમાં અરવલ્લી અને મહીસાગર જિલ્લામાં અતિભારે વરસાદને લઈને ઓરેન્જ એલર્ટ અને અમરેલી,ભાવનગર, ખેડા,આણંદ, પંચમહાલ, દાહોદ,બનાસકાંઠા,સાબરકાંઠા જીલ્લામાં ભારે વરસાદને લઈને યલો એલર્ટ જાહેર કર્યું હતું. 

14 થી 16 સુધીની આગાહી : 

હવામાન વિભાગ દ્વારા આગામી 14થી 15 જુલાઈના રોજ ઉત્તર ગુજરાતના 10 જિલ્લામાં યલો અને ઓરેન્જ અલર્ટ જાહેર કર્યું હતું. જેમાં પાટણ, મહેસાણા, બનાસકાંઠા,સાબરકાંઠા,અરવલ્લી, મહીસાગર, દાહોદ, પંચમહાલ નવસારી અને વલસાડ જીલ્લામાં ગાજવીજ સાથે ભારે વરસાદની આગાહી કરવામાં આવી છે. જ્યારે 16 જુલાઈના રોજ બનાસકાંઠા અને સાબરકાંઠાના છુટા છવાયા સ્થળોએ ભારે વરસાદને લઈને હવામાન વિભાગે યલો એલર્ટ જાહેર કર્યું હતું.