અંજાર પોલીસ સ્ટેશનમાં આસિસ્ટન્ટ સબ ઈન્સ્પેક્ટર તરીકે ફરજ બજાવતા અરુણાબેન નટુભાઈ જાદવની શુક્રવારે મોડી રાત્રે પ્રેમી દ્વારા ગળું દબાવી હત્યા કરવામાં આવતા સમગ્ર મામલાને લઈને ખળભળાટ મચી છે. પારિવારિક ઝઘડાના કારણે નજીવી બાબતે માથાકૂટ થતા પ્રમીએ આવેશમાં આવતા ગળું દબાવી દીધું હતું. તે સમયે પોલીસ સમક્ષ હાજર થયો હતો. આરોપી દિલીપ ડાંગચીયા CRPF જવાન તરીકે મણિપુરમાં ફરજ બજાવે છે. આ સમગ્ર ઘટનાને પગલે પોલીસ પંથકમાં ચકચાર મચી ગયો છે.&nbsp;
વધુ માહિતી અનુસાર, અરુણાબેન જાદવએ મૂળ સુરેન્દ્રનગરના દેરવાડા ગામના વતની હતા. અરુણાબેન નટુભાઈ જાદવ અંજારના ગંગોત્રી સોસાયટી-2 માં રહેતા હતા. શુક્રવારે મોડી રાત્રે અરુણાબેન અને તેમના પ્રેમી દિલીપ ડાંગચીયા વચ્ચે કોઈ કારણોને લઈને ઉગ્ર ઝઘડો થયો હતો. આ ઝઘડામાં દિલીપને વધારે ગુસ્સો આવી જતા અરુણાબેનનું ગળું દબાવીને હત્યા કરી નાખી હતી.&nbsp;
હત્યા કર્યા બાદ દિલીપ ડાંગચીયા પોતે અંજાર પોલીસ મથકે હાજર થયો હતો. ત્યાર બાદ ગુનાની કબુલાત કરી હતી. પોલીસ તેની ધરપકડ કરી વધુ તપાસ હાથ ધરી. સુત્રો અનુસાર ASI અરુણાબેન અને દિલીપ લાંબા સમયથી પ્રેમસંબંધમાં હતા. ટૂંક સમયમાં બંને લગ્ન કરવાના હતા. અંજાર પોલીસે જણાવ્યા અનુસાર આ ઘટના અંગેની વધુ વિગતો ટૂંક સમયમાં બહાર આવશે.&nbsp;
&nbsp;

ટૂંક સમયમાં બંને લગ્ન કરવાના હતા

દિલીપ ડાંગચીયા CRPF જવાન તરીકે મણિપુરમાં ફરજ બજાવે છે

July 19, 2025 | 16:53 IST