AMRELI: સિવિલ હોસ્પિટલમાં હિટ એન્ડ રનની ઘટના

ગુજરાતમાં અકસ્માતોની સંખ્યામાં સતત વધારો થઈ રહ્યો છે. રાજ્યમાં બેફામ કાર ચાલકો હીટ એન્ડ રનની ઘટનાઓમાં વધારો કરી રહ્યાં છે. અમરેલી શહેરની સિવિલ હોસ્પિટલમાં બેફામ કારચાલકે ત્રણ યુવકોને અડફેટે લીધા હતાં. કારની ટક્કરથી નીચે પટકાયેલા યુવક પર કારને રિવર્સ લઈને ચઢાવી દીધી હતી. સમગ્ર અકસ્માતની ઘટના CCTV કેમેરામાં કેદ થઈ ગઈ હતી.

પૂરપાટ ઝડપે આવી રહેલી અજાણી કારે ત્રણ લોકોને અડફેટે લીધા હતા, જેમાં બે લોકોને ગંભીર ઇજા પહોંચી હતી. ગંભીર રીતે ઇજાગ્રસ્તોને અમરેલી પ્રાથમિક સારવાર આપ્યા બાદ વધુ સારવાર અર્થે રાજકોટ ખસેડાયા હતા. ઘટનાની જાણ થતાં શહેર પોલીસે તપાસનો ધમધમાટ શરૂ કર્યો છે. 

પ્રાપ્ત માહિતી અનુસાર અમરેલી ખાતે આવેલી સિવિલ હોસ્પિટલમાં જ હિટ એન્ડ રનની ઘટના બની છે. એક કાર ચાલકે જોખમી ડ્રાઇવિંગ કરી ત્રણ લોકોને અડફેટે લીધા હતા, જેમાં બે લોકોને ગંભીર ઇજા પહોંચી હતી. જેથી ઇજાગ્રસ્તોને અમરેલી ખાતે પ્રાથમિક સારવાર આપ્યા બાદ રાજકોટ ખાતે વધુ સારવાર અર્થે ખસેડવામાં આવ્યા હતા. કાર ચાલકે હોસ્પિટલના મેડિકલ વાહનને પણ ટક્કર મારતાં મેડિકલ વાનને પણ નુકસાન થયું છે. આ સમગ્ર ઘટના CCTVમાં કેદ થઇ છે. આ મામલે અમરેલી સીટી પોલીસે ગુનો નોંધી વધુ તપાસ હાથ ધરી છે.