Ahmedabad:એર ઈન્ડિયા પ્લેન ક્રેશ દરમ્યાન મળેલી કીમતી ચીજ વસ્તુઓ અધિકારીઓને કરાઇ પરત 

અમદાવાદમાં થયેલ એર ઈન્ડિયા પ્લેન ક્રેશ દુર્ઘટનાએ પૂરા વિશ્વમાં હડકંપ મચાવી દીધો હતો. 12 જૂનના રોજ બપોરે એર ઇન્ડિયાની ફ્લાઇટ AI-171 ઉડાન ભર્યાના થોડીક સેકન્ડ પછી ક્રેશ થઈ ગઈ હતી. આ ભયાનક અકસ્માતમાં 241 મુસાફરો અને જમીન પર 30 લોકોએ જીવ ગુમાવ્યા હતા. જ્યારે એક મુસાફર ચમત્કારિક રીતે બચી ગયો હતો.

રહેણાંક વિસ્તારની આસપાસ પ્લેન ક્રેશ થતાં આજુબાજુના રહીશો ઘટનાસ્થળે દોડી આવ્યા હતા. રાજુ પટેલ જે પ્લેન ક્રેશ થયાની નજીકના વિસ્તારમાં વસવાટ કરે છે તેઓ ઘટનાસ્થળે મદદ માટે પહોંચ્યા હતા. પ્લેનના કાટમાળ અને ભંગારમાંથી રાજુ પટેલને અનેક માલસમાન મળ્યો હતો. માલસમાનની સાથે સાથે પ્લેનમાં મુસાફરી કરી રહેલ વ્યક્તિઓના ભારતીય અને બ્રિટિશ પાસપોર્ટ પણ પ્રાપ્ત થયા હતા જે રાજુભાઈએ અધિકારીઓને સોંપ્યા હતા.  

સરકારીઓએ અધિકારીઓને રાજુભાઈએ કહ્યું, ''હું 15 મિનિટમાં જ ક્રેશ સાઇટ પર પહોંચી ગયો હતો અને તે સ્થળેથી મને ઘણી વસ્તુઓ મળી હતી જેવી કે, ઘણા બધા ભારતીય અને બ્રિટિશ પાસપોર્ટ, રૂ. 50,000 - 60,000 જેટલી રોકડ, 80-90 તોલા જેટલું સોનું, ચાંદીના વાસણો, ગીતા પુસ્તિકા અને અન્ય ઘણી ઘાર્મિક વસ્તુઓ.''

વધુમાં જણાવ્યું કે તેમણે બધુ ભેગું કરીને સરકારી અધિકારીઓને સ્થળ ઉપર જ હસ્તાંતર કરી હતી.