અમદાવાદનો કાંકરિયા કાર્નિવલ રદ

અમદાવાદનો કાંકરિયા કાર્નિવલ રદ રવામાં આવ્યો છે. પૂર્વ વડાપ્રધાન મનમોહનસિંહનં અવસાન થતાં કેન્દ્ર સરકારે 7 દિવસનો રાજકિય શોક જાહેર કર્યો છે તેના પગલે અમદાવાદ મહાનગરપાલિકા દ્વારા આયોજીત કાંકરિયા કાર્નિવલને સંપૂર્ણપણે રદ કરવાની જાહેરાત સત્તાધીશો દ્વારા કરવામા આવી છે. 

અમદાવાદના મેયર, ડેપ્યુટી મેયરની અખબારી યાદીમાં જણાવ્યા મુજબ, ભારતના માન. પૂર્વ વડાપ્રધાન ડૉ.મનમોહનસિંહના દુઃખદ અવસાન નિમિત્તે  "કાંકરિયા કાર્નિવલ2024"ના આજ તારીખ 27 ડિસેમ્બર 2024 થી તારીખ 31 ડિસેમ્બર 2024 સુધીના તમામ સાંસ્કૃતિક કાર્યક્રમો મોકુફ રાખવામાં આવેલ છે.  જો કે કાંકરિયા લેક ફ્રન્ટ પરિસર ખાતે વિનામૂલ્ય પ્રવેશ ચાલુ રહેશે.જે જાણમાં લેવા વિનંતી છે.

પૂર્વ વડાપ્રધાન મનમોહનસિંહનું ગુરુવારે રાત્રે અવસાન થયું છે જેથી કેન્દ્ર સકારે 7 દિવસનો રાજકિય શોક જાહેર કર્યો છે. કેન્દ્ર સરકાર દ્વારા યોજાનારા તમામ સરકારી કાર્યક્રમો રદ કરવામાં આવ્યા છે. રાજ્યના મુખ્યમંત્રી ભૂપેન્દ્ર પટેલના પણ 27 ડિસેમ્બરે યોજાનારા તમામ કાર્યક્રમ રદ કરવામાં આવ્યા છે. 

આ સાથે અમદાવાદ મહાનગપાલિકા દ્વારા યોજાયેલા કાંકરિયા કાર્નિવલને પણ રદ રવાની જાહેરાત મહાનગરપાલિકા દ્વારા કરવાાં આવી છે. જો કે આગામી સમયમાં યોજાનારા ફ્લાવર શોને લઇને કોઇ નિર્ણય હજું કરવામાં આવ્યો નથી. 

પૂર્વ વડાપ્રધાન મનમોહનસિંહ નિધનના પગલે ગુજરાત વિધાનસભા સહિતની કચેરીઓ પર રાષ્ટ્ર ધ્વજ અડધી કાઠીએ ફરકવાયો છે અને રાજ્ય સરકારના તમામ કાર્યક્રમો રદ કરાયા છે.