ભારતના ટેલિકોમ અને ડિજિટલ લેન્ડસ્કેપને ધડમૂળથી બદલ્યા બાદ રિલાયન્સ જિયો હવે દેશના નાણાકીય ક્ષેત્રમાં મોટી હલચલ મચાવી રહ્યું છે.
જીઓની જિયોફાઇનાન્સ એપ પર લોન્ચ થયેલા નવા ટેક્સ પ્લાનિંગ અને ITR ફાઇલિંગ મોડ્યુલ દ્વારા જિયો ફાઇનાન્સિયલ સર્વિસીસ (JFSL) લાખો ભારતીયો માટે અત્યાર સુધીની જટિલ અને ખર્ચાળ રહેલી કર પ્રક્રિયાને અત્યંત સરળ અને સુલભ બનાવવાનું લક્ષ્ય ધરાવે છે.
માત્ર ₹24થી ITR ફાઇલિંગ&nbsp;ઉપલબ્ધ બનશે. હાલમાં બજારમાં ઉપલબ્ધ ખાનગી ટેક્સ પ્લેટફોર્મ સ્વ-ફાઇલિંગ માટે ₹199થી ₹499 અને એક્સપર્ટ હેલ્પ ₹2,000 સુધીનો ચાર્જ વસૂલે છે. જિયોની આ ₹24ની કિંમત મુખ્યત્વે પગારદાર અને સરળ ITR-1 ફાઇલ કરનારાઓ માટે છે. વ્યવસાય માલિકો અથવા બહુવિધ આવક ધરાવતા લોકો માટે જિયો ₹999માં નિષ્ણાતની સહાય પૂરી પાડે છે. આ માટે જિયોએ જાણીતા ટેક્સ-ફાઇલિંગ પાર્ટનર&nbsp;TaxBuddy સાથે ભાગીદારી કરી છે.
એપનું ઇન્ટરફેસ યુઝરને પગલું-દર-પગલાં માર્ગદર્શન પૂરું પાડે છે, જેથી નવા અને જૂના ટેક્સ વચ્ચેની પસંદગીથી માંડીને દસ્તાવેજો અપલોડ કરવા સુધીની પ્રક્રિયા અત્યંત સરળ બને છે. ફાઇલિંગ બાદ પણ યુઝર્સ રિફંડ ટ્રેક કરી શકે છે અને તમામ નોટિફિકેશન એક જ જગ્યાએ જોઈ શકે છે.
જિયોની આ વ્યૂહરચના માત્ર એક-વખતની ફી પૂરતી સીમિત નથી. ટેક્સ ફાઇલિંગને તેની સુપરએપમાં એકીકૃત કરીને જિયો મોટા પ્રમાણમાં નાણાકીય ડેટા એકત્રિત કરી શકે છે અને ગ્રાહકોને લાંબા ગાળા માટે પોતાની સાથે જોડી શકે છે. આ મોડેલ તેના ટેલિકોમ મોડેલ જેવું જ છે, જ્યાં અતિ નીચી કિંમતે સેવા આપીને લાખો લોકોને જોડવામાં આવે છે અને પછી લોન, વીમા, અને અન્ય સેવાઓનું ક્રોસ-સેલિંગ કરવામાં આવે છે.
ઉદ્યોગ વિશ્લેષકો મુજબ જિયોના આ પગલાથી ડિજિટલ ટેક્સ સેવાઓના બજારમાં ભાવયુદ્ધ શરૂ થશે. આનાથી અન્ય ફિનટેક કંપનીઓ પણ ભાવ અને સેવાઓનું પુનર્મૂલ્યાંકન કરવા મજબૂર થશે. જિયોનો આ પ્રયાસ ભારતના વિશાળ મધ્યમ વર્ગ માટે નાણાકીય વ્યવસ્થાને વધુ લોકશાહી બનાવવા તરફનું એક મોટું પગલું છે.&nbsp;

જિયો લાવ્યું સૌથી સસ્તું ITR ફાઇલિંગ

જિયો ફાઇનાન્સથી ટેક્સ ફાઇલિંગ હવે વધુ સરળ, ₹24થી ITR ફાઇલિંગ સેવા શરુ

August 15, 2025 | 17:27 IST