દક્ષિણ ભારતીય સિનેમાનું સૌથી લોકપ્રિય અને ચર્ચિત યુગલ વિજય દેવરકોંડા અને રશ્મિકા મંદાના હવે તેમના સંબંધોને લગ્નનું નામ આપવા જઈ રહ્યા છે. લાંબા સમયની અટકળોનો અંત લાવીને આ જોડી ચાલુ મહિનાની 26 ફેબ્રુઆરીએ લગ્નગ્રંથિથી જોડાશે. રાજસ્થાનના ઉદયપુરમાં એક ભવ્ય ડેસ્ટિનેશન વેડિંગનું આયોજન કરવામાં આવ્યું છે, જે અત્યંત ખાનગી અને શાહી અંદાજમાં યોજાશે
લગ્ન અને ભવ્ય રિસેપ્શનનું આયોજન :&nbsp;
ઉદયપુરમાં લગ્ન વિધિ પૂર્ણ કર્યા બાદ, આ નવદંપતી 3 માર્ચે હૈદરાબાદમાં એક શાનદાર રિસેપ્શન પાર્ટીનું આયોજન કરશે. આ કાર્યક્રમમાં દક્ષિણ ભારત અને બોલિવૂડની અનેક જાણીતી હસ્તીઓ હાજર રહે તેવી શક્યતા છે. વિજય દેવરકોંડાએ આ ખાસ અવસર પર પોતાના નજીકના મિત્રો અને પરિવારના સભ્યોને આમંત્રિત કર્યા છે, જેઓ તેમની કારકિર્દીના ઉતાર-ચઢાવમાં સાથી રહ્યા છે.
<img style="display: block; margin-left: auto; margin-right: auto;" src="https://ibp-benefits.s3.us-east-005.backblazeb2.com/prod/news/uploads/images/1771246520141_HBRlQ1HbgAAP5BV.jpeg.jpeg" alt="HBRlQ1HbgAAP5BV.jpeg" width="400 " height="500">
પ્રેમ કહાનીની શરૂઆત :&nbsp;
વિજય અને રશ્મિકાની પહેલી મુલાકાત વર્ષ 2018માં ફિલ્મ 'ગીથા ગોવિંદમ'ના સેટ પર થઈ હતી. આ ફિલ્મમાં તેમની ઓન-સ્ક્રીન કેમિસ્ટ્રી દર્શકોને એટલી પસંદ આવી કે તેઓ રાતોરાત ફેવરિટ કપલ બની ગયા હતા. ત્યારબાદ 2019માં આવેલી ફિલ્મ 'ડિયર કોમરેડ' દરમિયાન તેમનો સંબંધ વધુ ગાઢ બન્યો હતો. ઘણીવાર વેકેશનના સરખા ફોટા અને એકબીજા પ્રત્યેનો સહકાર તેમના અફેરની પુષ્ટિ કરતા હતા.
સગાઈ અને વાયરલ વીડિયો :&nbsp;
ગયા વર્ષે ઓક્ટોબરમાં હૈદરાબાદ ખાતે એક ખાનગી સમારંભમાં બંનેએ સગાઈ કરી હોવાના અહેવાલો હતા. જોકે, આ બાબતે સત્તાવાર જાહેરાત કરવામાં આવી નહોતી. તાજેતરમાં રશ્મિકાની ફિલ્મની સફળતાની ઉજવણી દરમિયાન વિજયનો એક પ્રેમાળ વીડિયો વાયરલ થયો હતો, જેનાથી તેમના લગ્નની ચર્ચાઓએ જોર પકડ્યું હતું.
બંને કલાકારોની કારકિર્દી :&nbsp;
વર્તમાન સમયમાં વિજય અને રશ્મિકા બંને પોતાની કારકિર્દીના શિખર પર છે. 'અર્જુન રેડ્ડી'થી ઓળખ મેળવનાર વિજય આજે મોટો સ્ટાર છે, જ્યારે 'પુષ્પા'ની શ્રીવલ્લી તરીકે જાણીતી રશ્મિકા હવે બોલિવૂડમાં પણ 'સિકંદર' જેવા મોટા પ્રોજેક્ટ્સ સાથે ધૂમ મચાવવા તૈયાર છે.

વિજય રશ્મિકાના લગ્ન

26 ફેબ્રુઆરીએ લગ્ન અને 3 માર્ચે હૈદરાબાદમાં ભવ્ય રિસેપ્શન, તૈયારીઓ પૂરજોશમાં શરૂ

February 16, 2026 | 18:31 IST