બૉલીવુડના પીઢ અભિનેતા ધર્મેન્દ્રને 'હી-મેન' તરીકે પણ ઓળખવામાં આવે છે, તેઓ છેલ્લા કેટલાક સમયથી તેમના સ્વાસ્થ્યના કારણે ચર્ચામાં હતા. તેમને શ્વાસ લેવામાં તકલીફ થતાં હોસ્પિટલમાં દાખલ કરવામાં આવ્યા હતા. જોકે, ડૉક્ટરોની દેખરેખ બાદ તેમને હોસ્પિટલમાંથી રજા આપી દેવામાં આવી છે અને હાલમાં તેમની સારવાર ઘેર જ ચાલી રહી છે. તેમના સ્વાસ્થ્યમાં સતત સુધારો થાય તે માટે ચાહકો સતત પ્રાર્થના કરી રહ્યા છે, ત્યારે તેમના ચાહકો માટે એક મોટી રાહતની ખબર સામે આવી છે.
સંપૂર્ણપણે સ્વસ્થ
19 નવેમ્બરના રોજ જાહેર કરાયેલા મીડિયા રિપોર્ટ અનુસાર, અભિનેતા ધર્મેન્દ્ર હવે સંપૂર્ણપણે સ્વસ્થ છે. તેમની તબિયત પહેલાં કરતાં ઘણી સારી હોવાનું કહેવાય છે. આ નવી અપડેટથી તેમના કરોડો ચાહકોમાં આનંદની લહેર ફેલાઈ ગઈ છે. શ્વાસ લેવામાં તકલીફના કારણે તેમને હોસ્પિટલમાં દાખલ કરાયા હતા, પરંતુ હવે તેઓ ઘેર પરત ફર્યા છે અને ત્યાં ડૉક્ટરોના માર્ગદર્શન હેઠળ તેમની સારવાર શરૂ છે. તેમના પરિવારના સભ્યો દ્વારા સતત તેમના સ્વાસ્થ્ય વિશે અપડેટ્સ શેર કરવામાં આવી રહી છે.
આ પણ વાંચો: <a href="https://www.benefitnews24.com/gujarati/entertainment/veteran-actor-dharmendra-discharged-from-hospital/22390" target="_blank" rel="noopener">દિગ્ગજ અભિનેતા ધર્મેન્દ્રને હોસ્પિટલમાંથી અપાઈ રજા</a>
મૃત્યુના ખોટા સમાચાર અને પરિવારની સ્પષ્ટતા
જ્યારે ધર્મેન્દ્રને હોસ્પિટલમાં દાખલ કરવામાં આવ્યા હતા, ત્યારે સોશિયલ મીડિયા પર તેમના મૃત્યુના ખોટા સમાચાર ઝડપથી વાયરલ થયા હતા. ઇન્ડસ્ટ્રીના મિત્રો અને પરિવારજનો હોસ્પિટલ તેમની ખબર પૂછવા પહોંચ્યા ત્યારે આ અફવાઓ વધુ વકરી હતી. આ ખોટા સમાચારોથી પરેશાન થઈને, તેમની પત્ની અને અભિનેત્રી હેમા માલિનીએ પોતે આગળ આવીને આ અફવાઓનું ખંડન કર્યું હતું.
ધર્મેન્દ્રના મૃત્યુની અફવાઓ
હેમા માલિનીએ સ્પષ્ટ કહ્યું હતું કે, ધર્મેન્દ્ર સંપૂર્ણપણે સ્વસ્થ છે અને લોકોએ આવા ખોટા સમાચાર ફેલાવવાથી દૂર રહેવું જોઈએ. તેમણે ખાતરી આપી હતી કે, અભિનેતાની હાલતમાં સતત સુધારો થઈ રહ્યો છે. ત્યારબાદ તેમની પુત્રી એષાએ પણ પોતાના પિતા સ્વસ્થ હોવાના સમાચાર સોશિયલ મીડિયા દ્વારા આપ્યા હતા. ધર્મેન્દ્રના પરિવારના સભ્યો લોકોને વારંવાર વિનંતી કરી રહ્યા છે કે તેઓ ખોટા સમાચારો પર વિશ્વાસ ન કરે. ભૂતકાળમાં પણ ઘણી વખત તેમના સ્વાસ્થ્ય વિશે અફવાઓ આવી છે, જોકે તેમાંથી મોટાભાગે તેઓ માત્ર રૂટિન ચેકઅપ માટે જ હોસ્પિટલ જતા હતા.

અભિનેતા ધર્મેન્દ્ર

ધર્મેન્દ્રની તબિયતમાં સુધારો થયો અને હવે તેઓ સંપૂર્ણપણે સ્વસ્થ છે

November 20, 2025 | 18:19 IST