'KGF' ફેમ સુપરસ્ટાર યશના ચાહકો માટે મોટા સમાચાર સામે આવ્યા છે. તેની મોસ્ટ અવેટેડ ફિલ્મ 'ટોક્સિક: અ ફેરીટેલ ફોર ગ્રોન-અપ્સ' ના ટીઝરની રિલીઝ તારીખ જાહેર કરવામાં આવી છે. નિર્માતાઓએ એક શક્તિશાળી નવું પોસ્ટર શેર કરીને કન્ફર્મ કર્યું છે કે ફિલ્મનું ટીઝર 20 ફેબ્રુઆરીએ સવારે 9:35 વાગ્યે દર્શકોની સામે આવશે.
નવું પોસ્ટર અને યશનો ખુંખાર લુક :&nbsp;
ફિલ્મના નવા પોસ્ટરમાં યશ 'રાયા' નામના પાત્રમાં જોવા મળી રહ્યો છે. બરફના તોફાન અને કાટમાળ વચ્ચે ઉભેલો યશ અત્યંત આક્રમક દેખાઈ રહ્યો છે. ગીતુ મોહનદાસ દ્વારા નિર્દેશિત આ ફિલ્મ એક ડાર્ક એક્શન ડ્રામા હોવાના સંકેત મળી રહ્યા છે. ફિલ્મની વાર્તા નૈતિક રીતે જટિલ અને હિંસક વાતાવરણ પર આધારિત હશે તેવું પોસ્ટર પરથી સ્પષ્ટ જણાય છે.
દિગ્ગજ સ્ટાર કાસ્ટ અને વૈશ્વિક રજૂઆત :&nbsp;
'ટોક્સિક' માં માત્ર યશ જ નહીં, પરંતુ ભારતીય સિનેમાના અનેક મોટા નામ જોવા મળશે. આ ફિલ્મમાં કિયારા અડવાણી, નયનતારા, હુમા કુરેશી, તારા સુતારિયા અને રુક્મિણી વસંત જેવા કલાકારો મહત્વની ભૂમિકા ભજવી રહ્યા છે. ફિલ્મનું શૂટિંગ કન્નડ અને અંગ્રેજીમાં કરવામાં આવ્યું છે, જ્યારે તેને હિન્દી, તમિલ, તેલુગુ અને મલયાલમ જેવી ભાષાઓમાં ડબ કરીને વિશ્વભરમાં રિલીઝ કરવામાં આવશે.
બોક્સ ઓફિસ પર રણવીર સિંહ સાથે ટક્કર :&nbsp;
આ ફિલ્મ 19 માર્ચે સિનેમાઘરોમાં દસ્તક દેશે. ખાસ વાત એ છે કે આ સમયે ઈદ, ઉગાદી અને ગુડી પડવા જેવા તહેવારો હોવાથી ફિલ્મને લાંબી રજાઓનો લાભ મળી શકે છે. જોકે, બોક્સ ઓફિસ પર તેની સીધી ટક્કર રણવીર સિંહની ફિલ્મ 'ધુરંધર 2' સાથે થવાની શક્યતા છે, જે આ મુકાબલાને વધુ રોમાંચક બનાવશે.

યશ ફિલ્મ ટોક્સિક ટીઝર

20 ફેબ્રુઆરીએ સવારે 9:35 વાગ્યે રિલીઝ થશે 'ટોક્સિક'નું ટીઝર

February 19, 2026 | 18:34 IST