બોલિવૂડના સૌથી હેન્ડસમ અને સફળ અભિનેતાઓમાંના એક વિનોદ ખન્ના હંમેશા પોતાની વ્યવસાયિક અને અંગત જિંદગીને કારણે ચર્ચામાં રહ્યા હતા. વર્ષ 2017 માં દુનિયા છોડી જનાર આ અભિનેતા વિશે તેમની પત્ની કવિતા ખન્નાએ તાજેતરમાં અનેક વિસ્ફોટક ખુલાસા કર્યા છે.
પ્રથમ મુલાકાત અને સંન્યાસ તરફ પ્રયાણ :&nbsp;
કવિતા ખન્નાએ પોતાની યુટ્યુબ ચેનલ પર જણાવ્યું કે તેમની પ્રથમ મુલાકાત 1989 માં વિનોદ ખન્નાની બર્થડે પાર્ટીમાં થઈ હતી. વિનોદ ખન્ના સ્વભાવે આધ્યાત્મિક હતા, પરંતુ પરિવારમાં ટૂંકા ગાળામાં થયેલા મૃત્યુ અને ખાસ કરીને માતાના નિધન બાદ તેઓ ભાંગી પડ્યા હતા. આ દુઃખમાંથી બહાર આવવા તેમણે ફિલ્મી કરિયરના શિખરે હોવા છતાં સંન્યાસ લીધો અને ઓશોના આશ્રમમાં માળી તરીકે સેવા આપવાનું શરૂ કર્યું
નગ્ન અવસ્થામાં મેડિટેશન અને ઊંડી શ્રદ્ધા :&nbsp;
કવિતાએ વિનોદ ખન્નાના આધ્યાત્મિક જીવનનું એક અજાણ્યું પાસું પણ ઉજાગર કર્યું છે. તેમણે જણાવ્યું કે પુણે આશ્રમમાં ગયા પહેલા, વિનોદ મુંબઈના ગિરગાંવ ચોપાટી બીચ પર ન્યૂડ મેડિટેશન (નગ્ન ધ્યાન) કરતા હતા. ભીડભાડવાળા બીચ પર એક સર્કલમાં બેસીને અન્ય સાધકો સાથે તેઓ નગ્ન થઈને ધ્યાન ધરતા. કવિતાના મતે, આ કોઈ શારીરિક બાબત નહોતી પરંતુ તેમની શ્રદ્ધા અને આધ્યાત્મિકતા પ્રત્યેનું સંપૂર્ણ સમર્પણ હતું
ચેઈન સ્મોકિંગ અને કેન્સરનો ભોગ :&nbsp;
અભિનેતાના સ્વાસ્થ્ય વિશે વાત કરતા કવિતાએ જણાવ્યું કે વિનોદ ખન્ના દિવસમાં 40 થી 80 સિગારેટ પી જતા હતા. આ અતિશય ધૂમ્રપાનને કારણે તેમને ફેફસાનું કેન્સર થયું હતું. જોકે તે સમયે તેઓ તેમાંથી સાજા થઈ ગયા હતા, પરંતુ 2010 માં તેમને બ્લડ કેન્સર હોવાનું નિદાન થયું હતું, જે અંતે તેમના મૃત્યુનું કારણ બન્યું
વિનોદ ખન્નાની આ સફર સાબિત કરે છે કે સફળતાના શિખરે પહોંચ્યા પછી પણ શાંતિની શોધમાં વ્યક્તિ ગમે તે હદ સુધી જઈ શકે છે.

પત્ની કવિતા ખન્નાએ ખોલ્યા રહસ્યો,ચોપાટી પર નગ્ન અવસ્થામાં ધ્યાન અને કેન્સરનું કારણ જણાવ્યુ

February 10, 2026 | 16:55 IST