71 વર્ષની ઉંમરે પણ ભારતીય સિનેમાની સદાબહાર અભિનેત્રી રેખા (ભાનુ રેખા ગણેશન) પોતાની બેજોડ અભિનય ક્ષમતા, ટ્રેન્ડસેટિંગ સ્ટાઈલ અને આકર્ષક વ્યક્તિત્વથી લાખો દિલો પર રાજ કરે છે. 5 દાયકાથી વધુની તેમની કારકિર્દીમાં ઉમરાવ જાન, ખૂન ભરી માંગ, સિલસિલા અને ખૂબસૂરત જેવી ફિલ્મોએ તેમને એક સાચા લીજેન્ડ બનાવી દીધા છે. જોકે, રેખા માટે સ્ટારડમનો આ પ્રવાસ ક્યારેય આસાન ન હોતો. તેમના રસ્તામાં શારીરિક ટોણા, અંગત જીવનના સંઘર્ષો અને સામાજિક આલોચનાઓ જેવી અનેક મુશ્કેલીઓ આવી હતી. તેમના 71મા જન્મદિવસે, ચાલો જાણીએ તેમની પ્રેરણાદાયક કહાણી, જેમાં તેમણે શશિ કપૂરના "કાળી-મોટી" ટોણાને ખોટો સાબિત કરીને પોતાની ખૂબસૂરતીને એકેડેમિક કોર્સનો વિષય બનાવી દીધી.
બાળપણના સંઘર્ષ
રેખાનો જન્મ 10 ઓક્ટોબર 1954ના રોજ થયો હતો, અને તેમનું બાળપણ મુશ્કેલીઓથી ભરેલું હતું. તેમના પિતા, સાઉથના પ્રખ્યાત અભિનેતા જેમિની ગણેશન અને માતા અભિનેત્રી પુષ્પાવલીના લગ્ન થયા ન હતા. પિતાએ તેમને ક્યારેય અપનાવ્યા નહિ કે પોતાનું નામ પણ ન આપ્યું. પારિવારિક મુશ્કેલીઓને કારણે માતા પુષ્પાવલીએ બાળકોના ઉછેર માટે નાના-મોટા રોલ કરવા પડ્યા હતા. પારિવારિક સંઘર્ષોની સાથે સાથે રેખાને શાળામાં પણ વજન અને દેખાવને લઈને ઘણા ટોણાનો સામનો કરવો પડ્યો હતો. આર્થિક તંગીના કારણે માતાના કહેવા પર તેમણે માત્ર 3 વર્ષની ઉંમરે જ અભિનયની શરૂઆત કરી દીધી હતી. 4 વર્ષની ઉંમરે તેઓ તેલુગુ ફિલ્મ ઈન્ટિ ગુત્તુ (1958)માં બાળ કલાકાર તરીકે જોવા મળ્યા હતા.
આ પણ વાંચો: <a href="https://www.benefitnews24.com/gujarati/entertainment/amitabh-wasn-t-home-jaya-called-rekha-and-invited-her-for-lunch-/8654" target="_blank" rel="noopener">અમિતાભ ઘરે ન હતા, જયાએ રેખાને ફોન કરીને લંચ પર બોલાવ્યા...</a>
બોલિવૂડમાં અન્ટ્રી અને સફળતા
રેખાની બોલિવૂડમાં એન્ટ્રી પ્રોડ્યુસર કુલજીત પાલની ફિલ્મ અંજાના સફર (જે પાછળથી દો શિકાર તરીકે રિલીઝ થઈ) દ્વારા થઈ. તે સમયે રેખા માત્ર 13-14 વર્ષના હતા અને તેમને હિન્દી બોલતા નહોતું આવડતું. તેમના રંગ, વજન અને ભાષાને લઈને તેમને "મદ્રાસન" કહીને ચીડવવામાં આવતા હતા. જોકે, તેમની પહેલી રિલીઝ થયેલી ફિલ્મ સાવન ભાદો (1970) સુપરહિટ રહી અને રેખાને રાતોરાત ઓળખ મળી. આ ફિલ્મની સફળતા બાદ પણ, અભિનેતા શશિ કપૂરે પ્રીમિયર પર કહ્યું હતું કે, "આટલી કાળી, જાડી અને વિચિત્ર દેખાતી આ અભિનેત્રી કેવી રીતે સફળ થશે?" પરંતુ આ ફિલ્મે રેખાને ઇન્ડસ્ટ્રીમાં સ્થાપિત કરી દીધા. ત્યારબાદ રામપુર કા લક્ષ્મણ (1972) અને પ્રાણ જાય પર વચન ન જાય (1974) જેવી હિટ ફિલ્મો કરી. 1980માં ખૂબસૂરત માટે તેમને પહેલો ફિલ્મફેર એવોર્ડ મળ્યો અને 1981માં ઉમરાવ જાન માટે તેમને નેશનલ એવોર્ડથી નવાજવામાં આવ્યા.
પ્રોફેશનલિઝમ, ગ્લેમર ટ્રાન્સફોર્મેશન&nbsp;
રેખા એ અભિનેતા અમિતાભ બચ્ચનના પ્રોફેશનલિઝમથી પ્રભાવિત થઈને પોતાના અભિનય, હિન્દી ભાષા અને શરીર પર કામ કરવાનું શરૂ કર્યું. તેમણે લંડનમાં મેકઅપ કોર્સ કર્યો અને પોતાનું વજન ઘટાડીને, સ્ટાઈલને નિખારીને પોતાને એક સ્ટાઇલ આઈકન તરીકે સ્થાપિત કર્યા. આજે તેમની ખૂબસૂરતી અને મેકઅપ પર એકેડેમિક કોર્સ ચલાવવામાં આવે છે, જે તેમનું મહેનત અને સમર્પણ દર્શાવે છે.
મહેનત, આત્મવિશ્વાસ અને દ્રઢ નિશ્ચયથી ઓળખ બનાવી
અંગત જીવનમાં જીતેન્દ્ર, વિનોદ મેહરા અને અમિતાભ બચ્ચન સાથેના કથિત સંબંધો અને 1990માં ઉદ્યોગપતિ મુકેશ અગ્રવાલ સાથેના 6 મહિનામાં તૂટેલા લગ્ન અને તેમની આત્મહત્યા બાદ રેખાને ભારે આલોચના સહન કરવી પડી હતી. જોકે, 1991માં ફૂલ બને અંગારે સાથે રેખા એ શાનદાર કમબેક કર્યું. કોઈ... મિલ ગયા (2003) અને ક્રિષ (2006)માં સહાયક ભૂમિકાઓમાં પણ તેમની અભિનય ક્ષમતા ચમકી હતી. રેખાની કહાણી એ સાબિત કરે છે કે, મહેનત, આત્મવિશ્વાસ અને દ્રઢ નિશ્ચયથી જીવનના તમામ સંઘર્ષોને પાર કરીને એક અનોખી ઓળખ બનાવી શકાય છે.

71મા જન્મદિવસે, અનેક આલોચનાઓનો સામનો કરીને પોતાની જાતને એક ગ્લેમર લીજેન્ડ બની

October 10, 2025 | 16:55 IST