દક્ષિણ ભારતીય સિનેમાના લોકપ્રિય અભિનેતા વિજય દેવરકોંડા અને નેશનલ ક્રશ રશ્મિકા મંદાન્ના હવે લગ્નના પવિત્ર બંધનમાં બંધાવા જઈ રહ્યા છે. આ દંપતીના લગ્નને લઈને ચાહકોમાં અને ફિલ્મ ઇન્ડસ્ટ્રીમાં ભારે ઉત્સાહ જોવા મળી રહ્યો છે. ત્યારે દેશના વડાપ્રધાન નરેન્દ્ર મોદીએ પણ આ જોડીને ખાસ પત્ર લખીને હાર્દિક શુભેચ્છા પાઠવી છે.
પ્રધાનમંત્રી મોદીએ વિજયના માતા-પિતાને લખેલા પત્રમાં 26 ફેબ્રુઆરી 2026ના રોજ ઉદયપુરમાં યોજાનારા લગ્નનું આમંત્રણ મળવા બદલ આનંદ વ્યક્ત કર્યો છે. પત્રમાં તેમણે લખ્યું છે કે, "વિજય અને રશ્મિકાના જીવનમાં આ લગ્ન એક નવું અને અત્યંત સુંદર પ્રકરણ શરૂ કરશે. સાત વચનો લઈને તેઓ જીવનભરના સાથી બનશે. તેમની વાસ્તવિક જીવનની વાર્તા મોટા પડદાના જાદુ કરતાં પણ વધુ ખાસ અને અનોખી હશે, કારણ કે આ વાર્તા સ્વયં ભગવાને લખી છે."
વિજય અને રશ્મિકાએ સોશિયલ મીડિયા પર તેમના લગ્નની સત્તાવાર જાહેરાત કરી છે. ચાહકો દ્વારા આપવામાં આવેલા લવલી નામ "વિરોશ" (ViRoosh)ને સ્વીકારીને તેમણે આ લગ્નને "વિરોશના લગ્ન" તરીકે ઓળખાવ્યા છે. લગ્ન 26 ફેબ્રુઆરી 2026ના રોજ ઉદયપુરની આઇટીસી હોટેલ્સ એકાયા દ્વારા મેમેન્ટોસ (Mementos by ITC Hotels, Ekaaya) ખાતે ખાનગી રીતે યોજાશે. આ એક શાહી અને અત્યંત પ્રાઇવેટ લગ્ન સમારોહ હશે, જેમાં માત્ર નજીકના પરિવારજનો અને મિત્રો જ હાજર રહેશે.
હાલમાં બંને તેમની લગ્નની તૈયારીઓમાં વ્યસ્ત છે અને સમયાંતરે સોશિયલ મીડિયા પર ફોટા અને વીડિયો શેર કરીને ચાહકોને અપડેટ આપી રહ્યા છે. લગ્ન પછી એક ભવ્ય રિસેપ્શનનું પણ આયોજન થશે, જેમાં ફિલ્મ ઇન્ડસ્ટ્રીના દિગ્ગજો અને ઘણા સેલિબ્રિટીઝ હાજરી આપી શકે છે.
ચાહકો આ ખાસ ક્ષણની આતુરતાથી રાહ જોઈ રહ્યા છે. સોશિયલ મીડિયા પર આ જોડી માટે અભિનંદનનો વરસાદ વરસી રહ્યો છે. PM મોદીના પત્રથી આ લગ્નને વધુ ખાસ અને ભાવનાત્મક બનાવી દીધા છે. "વિરોશ"ની આ રિયલ લવ સ્ટોરી ચાહકો માટે પ્રેરણારૂપ બની રહી છે અને દરેક કોઈ આ દંપતીના સુખી દાંપત્ય જીવનની કામના કરી રહ્યા છે. લગ્નની તમામ તૈયારીઓ પૂર્ણ થઈ રહી છે અને 26 ફેબ્રુઆરીના રોજ આ દંપતી જીવનભરના સાથી બનશે.

PM મોદીએ વિજય-રશ્મિકાને લગ્નની શુભેચ્છા પત્રમાં પાઠવી

"મોટા પડદા કરતાં વધુ ખાસ તમારી રિયલ લવ સ્ટોરી"

February 25, 2026 | 15:17 IST