માહી વિજે નદીમ કુરેશીને ખુલ્લેઆમ કહ્યું મારું ઘર

ટીવી જગતના પોપ્યુલર કપલ જય ભાનુશાળી અને માહી વિજ 14 વર્ષના લગ્નજીવનનો અંત લાવ્યો છે. છૂટાછેડાની ચર્ચા વચ્ચે માહી વિજે સલમાન ખાનના સૌથી જૂના અને નજીકના મિત્ર નદીમ કુરેશીના જન્મદિવસ પર ઇન્સ્ટાગ્રામ પર ભાવુક પોસ્ટ શેર કરીને ખુલ્લેઆમ પ્રેમ વ્યક્ત કર્યો છે. આ પોસ્ટ ઝડપથી વાયરલ થઈ રહી છે અને સોશિયલ મીડિયા પર ભારે ચર્ચા ચાલી રહી છે.

 

 

દીકરી તારાએ પણ કરી વિશ

માહીએ નદીમ સાથેનો ફોટો શેર કરીને લખ્યું: "એ વ્યક્તિને જન્મદિવસ મુબારક, જેને મેં સંજોગોવશાત નહીં પરંતુ દિલથી પસંદ કરી છે... તું જ મારો પરિવાર છે, તું જ મારું સુરક્ષિત સ્થાન છે અને તું જ મારો કાયમી સાથ છે. તું માત્ર મારો બેસ્ટ ફ્રેન્ડ જ નથી, તું મારી શાંતિ છે, મારી શક્તિ છે અને મારું ઘર છે... હું તને પ્રેમ કરું છું, નદીમ." તેણે વધુ લખ્યું કે "નદીમ અને માહી એક જ છે" અને તેમના આત્માઓ જોડાયેલા છે.

માહીની દીકરી તારાએ પણ પોતાના ઇન્સ્ટાગ્રામ પર નદીમ સાથેનો ફોટો શેર કરીને લખ્યું: "જન્મદિવસની શુભેચ્છાઓ મારા અબ્બા. હું તમને ખૂબ ખૂબ ખૂબ પ્રેમ કરું છું. તારી તારા." આ પોસ્ટ્સથી ફેન્સમાં ખળભળાટ મચી ગયો છે. ટ્રોલિંગ અને નકારાત્મક કોમેન્ટ્સના ડરે માહીએ પોતાની પોસ્ટનું કોમેન્ટ સેક્શન બંધ કરી દીધું છે.

નદીમ કુરેશી કોણ છે? નદીમ કુરેશી સલમાન ખાનના સૌથી જૂના અને નજીકના મિત્ર છે. તેઓ સલમાનની ટીવી પ્રોડક્શન કંપની SK TVના સ્થાપક અને મેનેજિંગ પાર્ટનર છે. તેઓ ધ કપિલ શર્મા શોના CEO પણ રહી ચૂક્યા છે. સલમાન તેમને પ્રેમથી 'Nadz' કહે છે અને તેમને પોતાનો "closest and longest friend" ગણાવે છે.

જય-માહીના છૂટાછેડા: જય અને માહીના લગ્ન 2011માં થયા હતા. તેમણે 2017માં રાજવીર અને ખુશીને દત્તક લીધા હતા, અને 2019માં બાયોલોજિકલ દીકરી તારાનો જન્મ થયો હતો. થોડા સમયથી બંને સોશિયલ મીડિયા પર સાથે ઓછા જોવા મળતા હતા, જેનાથી છૂટાછેડાની અફવાઓ ફેલાઈ હતી. અઠવાડિયા પહેલાં બંનેએ સત્તાવાર નિવેદનમાં છૂટાછેડાની પુષ્ટિ કરી હતી અને કહ્યું હતું કે તેઓ અલગ રહે છે પરંતુ મિત્રો તરીકે જોડાયેલા રહેશે.

સોશિયલ મીડિયા પર આ પોસ્ટ્સ વાયરલ થઈ રહી છે, કેટલાક ફેન્સ માહીને સપોર્ટ કરી રહ્યા છે જ્યારે અન્યો ટ્રોલ કરી રહ્યા છે. આ ઘટના ટીવી જગતમાં ફરી ચર્ચા ઉભી કરી રહી છે.