કોહરા સીઝન 2 નેટફ્લિક્સ પર ફરી શરૂ થશે રહસ્યનો ખેલ

OTT પ્લેટફોર્મ પર વેબ સીરીઝની સાથે હવે ફિલ્મો જેવો જ રોમાંચ માણનારા દર્શકોની સંખ્યા સતત વધી રહી છે. જો તમે વીકેન્ડમાં કંઈક એવું જોવા માંગો છો જે તમારી ઊંઘ ઉડાડી દે અને મગજને કસરત કરાવે, તો એક શાનદાર ક્રાઈમ થ્રિલર તમારી રાહ જોઈ રહી છે. વર્ષ 2023 માં આવેલી ચર્ચિત સીરીઝ કોહરા હવે તેના બીજા ભાગ સાથે પરત ફરી રહી છે.

રોમાંચક ક્રાઈમ ડ્રામાનો બીજો અધ્યાય : 

કોહરા સીઝન 1 એ તેની વાસ્તવિક વાર્તા અને મજબૂત પટકથાથી દર્શકોના દિલ જીતી લીધા હતા. સુદીપ શર્મા અને રણદીપ ઝા દ્વારા નિર્મિત આ સીરીઝ પંજાબના એક નાના શહેરમાં NRI યુવાનની હત્યાની તપાસ પર આધારિત હતી. હવે તેની બીજી સીઝન વધુ ભવ્ય અને રહસ્યમય બનવાની છે. આ વખતે વાર્તામાં બરુણ સોબ્તીની સાથે મોના સિંહ પણ મુખ્ય ભૂમિકામાં જોવા મળશે, જે દલેરપુરાના ઊંડા રહસ્યો પરથી પડદો ઉઠાવશે.

શું હતી પ્રથમ સીઝનની વાર્તા ?

પહેલી સીઝનમાં આપણે જોયું કે કેવી રીતે બલબીર સિંહ અને અમરપાલ ગરુન્ડી નામના બે પોલીસ અધિકારીઓ એક જટિલ હત્યાનો કેસ ઉકેલે છે. આ માત્ર મર્ડર મિસ્ટ્રી નહોતી, પણ તેમાં પંજાબના ગ્રામીણ વિસ્તારોમાં ડ્રગ્સની સમસ્યા, જમીનના ઝઘડા અને પારિવારિક સંબંધોના તણાવને ખૂબ જ સુંદર રીતે વણી લેવામાં આવ્યા હતા. પોલ નામના NRI ના મોત પાછળ કોનો હાથ હતો તે જાણવા માટે દર્શકો છેલ્લે સુધી જકડાઈ રહ્યા હતા.

કોહરા સીઝન 2 માં શું નવું હશે ?

બીજી સીઝન વધુ ગંભીર અને પાત્રોના ભૂતકાળને ઉજાગર કરનારી હશે. સુદીપ શર્મા અને ફૈઝલ રહેમાનના નિર્દેશનમાં બનેલી આ સીરીઝ 11 ફેબ્રુઆરીથી સ્ટ્રીમ થવા જઈ રહી છે. IMDb પર 7.5 રેટિંગ ધરાવતી આ સીરીઝ તેના વાસ્તવિક અભિનય અને ટ્વિસ્ટ માટે જાણીતી છે. જો તમે હજુ સુધી પહેલી સીઝન નથી જોઈ, તો આ વીકેન્ડ તમારા માટે બેસ્ટ ટાઈમ છે.