રણવીર સિંહની ફિલ્મ 'ધુરંધર' એ બોક્સ ઓફિસ પર રચ્યો નવો ઇતિહાસ
બોલિવૂડમાં કમાણીના તમામ જૂના રેકોર્ડ ધ્વસ્ત કરતા રણવીર સિંહની લેટેસ્ટ ફિલ્મ ધુરંધર એ નવો ઇતિહાસ રચ્યો છે. આ ફિલ્મ ભારતીય સિનેમાની એવી પ્રથમ બોલિવૂડ ફિલ્મ બની છે જેણે માત્ર હિન્દી માર્કેટમાં 800 કરોડ રૂપિયાથી વધુનું નેટ કલેક્શન મેળવ્યું હોય. આ સાથે જ ધુરંધરે અલ્લુ અર્જુનની લોકપ્રિય ફિલ્મ 'પુષ્પા 2' ના અત્યાર સુધીના સૌથી મોટા રેકોર્ડને પણ પાછળ છોડી દીધો છે.
સતત 28 દિવસ સુધી ડબલ ડિજિટમાં કમાણી :&nbsp;
5 ડિસેમ્બર, 2025 ના રોજ સિનેમાઘરોમાં રિલીઝ થયેલી આ ફિલ્મે શરૂઆતથી જ પોતાની પકડ જમાવી રાખી હતી. નવાઈની વાત એ છે કે ધુરંધરે રિલીઝના સતત 28 દિવસ સુધી દરરોજ 10 કરોડથી વધુનું (ડબલ ડિજિટ) કલેક્શન કરીને એક અનોખો રેકોર્ડ બનાવ્યો છે.
વર્ષ 2026 ના પ્રથમ શુક્રવારે આ ગતિમાં થોડો ઘટાડો જોવા મળ્યો હતો અને કલેક્શન પહેલીવાર 10 કરોડની નીચે ગયું હતું. જોકે, શનિવાર આવતાની સાથે જ ફરી એકવાર થિયેટરો હાઉસફુલ જોવા મળ્યા હતા અને દર્શકોની ભીડ ઉમટી પડી હતી.
30 દિવસમાં 806 કરોડનો આંકડો પાર :&nbsp;
માહિતી મુજબ, રિલીઝના 30મા દિવસે એટલે કે શનિવારે ફિલ્મે અંદાજે 12 થી 13 કરોડનું નેટ કલેક્શન કર્યું છે. આ સાથે જ ફિલ્મે કુલ 806 કરોડ રૂપિયાની ઐતિહાસિક કમાણીનો આંકડો વટાવી દીધો છે. અગાઉ પુષ્પા 2 એ હિન્દીમાં 800 કરોડની આસપાસ પહોંચવાનો પ્રયાસ કર્યો હતો, પરંતુ રણવીર સિંહની ધુરંધરની રફ્તાર તેની સરખામણીએ ઘણી ઝડપી સાબિત થઈ છે.

રણવીર સિંહની ફિલ્મે બોક્સ ઓફિસ પર મચાવી ધૂમ, પુષ્પા 2 ના હિન્દી કલેક્શનનો રેકોર્ડ તોડ્યું

January 4, 2026 | 18:45 IST