કોમર્શિયલ LPG સિલિન્ડરના ભાવમાં ઘટાડો કરાયો!!

LPG સિલિન્ડરનો મુખ્યત્વે હોટલ, રેસ્ટોરન્ટ અને વ્યવસાયો જેવા વાણિજ્યિક વપરાશકર્તાઓએ હવે રાહતનો શ્વાસ લીધો છે. 19 કિલોગ્રામ આવતા કોમર્શિયલ LPG સિલિન્ડરના ભાવમાં ઘટાડો કરવામાં આવ્યો છે. રૂ. 58.50 જેટલો LPG સિલિન્ડરનો ભાવ ઘટાડવામાં આવ્યો છે. આ ભાવ ઘટાડાનો દર 1 જુલાઇથી લાગૂ કરવામાં આવ્યો છે. 

નોંધનીય છે કે, 14.2 કિલોગ્રામમાં આવતા ઘરગથ્થું LPG સિલિન્ડર પર આ ઘટાડાનો દર લાગૂ કરવામાં આવ્યો નથી. કોમર્શિયલ LPG સિલિન્ડરનો એક યુનિટનો ભાવ રૂ. 1723.50 હતો જે હવે ઘટીને રૂ. 1665 થયો છે. મુંબઈમાં, 19 કિલોગ્રામના LPG સિલિન્ડરનો છૂટક ભાવ હવે ₹ 1616 થશે. આ અગાઉના ₹1674.50  પ્રતિ સિલિન્ડરના ભાવથી ઘટાડીને કરવામાં આવ્યો છે. કોમર્શિયલ LPG સિલિન્ડરની કિંમત કોલકાતામાં ₹ 1,769 અને ચેન્નાઈમાં ₹ 1,823.50 થશે - જે અનુક્રમે ₹ 1,826 અને ₹ 1,881 થી ઘટીને છે. જોકે, અમદાવાદમાં આ ભાવ ઘટાડાનો અમલ થયો નથી. 

ઓએમસીએ વાણિજ્યિક એલપીજીના ભાવમાં ₹ 24નો ઘટાડો કર્યા પછી આ ઘટના બની. 27 જૂનના રોજ, ICICI બેંકના તાજેતરના સંશોધન અહેવાલ મુજબ, ઇઝરાયલ-ઈરાન સંઘર્ષમાં ઘટાડો, માંગમાં નરમાઈ અને પુરવઠામાં વધારો થવાને કારણે વૈશ્વિક ક્રૂડ ઓઇલના ભાવમાં ઘટાડો થવાની સંભાવના છે.