ગાંધીનગરના દહેગામમાં એક ચોંકાવનારી ઘટના સામે આવી છે, જ્યાં પ્રેમલગ્ન કરનાર યુવતીનું તેના પિયરિયાઓ દ્વારા અપહરણ કરવામાં આવ્યું. 4 મહિના પહેલા જ રવિ પટેલ સાથે કોર્ટ મેરેજ કરનાર આયુષી નામની યુવતીને તેના સાસરીમાંથી બળજબરીપૂર્વક ઉઠાવી જવામાં આવી હતી. આ ઘટનાના CCTV ફૂટેજ પણ સામે આવ્યા છે, જેમાં આરોપીઓ યુવતીને કારમાં ઉઠાવી જતાં જોવા મળે છે. આ ઘટના બાદ પોલીસે તાત્કાલિક કાર્યવાહી હાથ ધરી છે અને રાત્રે દક્ષ રબારી નામના 1 આરોપીની ધરપકડ કરી લીધી છે.
લાકડીઓ અને ગડદાપાટુ સાથે ઘરમાં ઘૂસ્યા
ફરિયાદમાં જણાવ્યા અનુસાર, રવિવારે બપોરે લગભગ અઢી વાગ્યાના અરસામાં આયુષીના મામા કાનજીભાઈ રબારી, કેવુલભાઈ રબારી, દક્ષ રબારી અને અન્ય કેટલાક લોકો 2 ગાડી અને 1 એક્ટિવા લઈને રવિના ઘરે ધસી આવ્યા હતા. તેમણે આયુષીને પોતાની સાથે મોકલી આપવા માટે બૂમાબૂમ કરી હતી. આયુષીએ તેમની સાથે જવાની ના પાડતાં, આરોપીઓ લાકડીઓ અને ગડદાપાટુ સાથે ઘરમાં ઘૂસી ગયા હતા અને રવિ તેમજ તેના પરિવારના સભ્યોને માર માર્યો હતો. આ પછી, તેઓ આયુષીને બળજબરીપૂર્વક સફેદ કલરની કિયા ગાડીમાં ઉઠાવી ગયા હતા.
આ પણ વાંચો: <a href="https://www.benefitnews24.com/gujarati/crime/girl-murdered-after-tantric-ritual-in-anandana-navakhal/18628" target="_blank" rel="noopener">આણંદના નવાખલમાં તાંત્રિક વિધિ બાદ બાળકીની હત્યા</a>
યુવતીનેન પતિ રહેવાની ઈચ્છા
ઉલ્લેખનીય છે કે, આ જ પ્રેમી પંખીડા લગભગ 8 મહિના પહેલા ભાગી ગયા હતા, ત્યારે પણ રખિયાલ પોલીસ મથકે બન્ને પક્ષો વચ્ચે વિવાદ થયો હતો. તે સમયે યુવતીએ તેના પતિ સાથે જ રહેવાની ઈચ્છા વ્યક્ત કરતાં મામલો શાંત પડ્યો હતો. પરંતુ હવે ફરી એકવાર તેના પરિવાર દ્વારા યુવતીનું અપહરણ કરવામાં આવ્યું છે.
પોલીસે ગુનો નોંધી તપાસ હાથ ધરી
આ ઘટનાની જાણ થતાં જ દહેગામ પોલીસે ગુનો નોંધી તપાસ હાથ ધરી છે. ASP આયુષ જૈનની આગેવાની હેઠળ 2 અલગ-અલગ ટીમો બનાવવામાં આવી છે. આ ટીમો ટેકનિકલ અને હ્યુમન સોર્સના આધારે આરોપીઓને પકડવા અને યુવતીનું અપહરણ ઉકેલવા માટે કામે લાગી છે.

યુવતીના પરિવારજનો એ કર્યું અપહરણ

દહેગામમાં પ્રેમલગ્ન કરનાર યુવતીનું અપહરણ તેના પરિવારજનો દ્વારા થતાં ચકચાર, 1 આરોપીની ધરપકડ

September 15, 2025 | 18:06 IST