ડીસા બ્લાસ્ટમાં ચોંકાવનારો ખુલાસો, મધ્યપ્રદેશના મજૂરો બિચારા કામ કરતા હતા અને..

ડીસા બ્લાસ્ટમાં 21 નિર્દોષ મજૂરોએ પોતાના જાન ગુમાવ્યા છે. આ તમામ મૃતકો પૈકી મોટાભાગના મધ્યપ્રદેશથી ડીસા આવ્યા હતા. મૃતકોના પરિવારે આરોપ લગાવ્યો કે તમામને સુતળી બોંબ બનાવવા માટે લવાયા હતા. ફટાકડાનું ગોડાઉન હોવાનું જણાવી ગેરમાર્ગે દોરાયા હતા. 

બનાસકાંઠાના ડીસામાં મંગળવારે થયેલા ફટાકડાની ફેક્ટરીના ગોડાઉનમાં પ્રચંડ બ્લાસ્ટ થયો હતો. જેમાં 21 મજૂરોના મોત થયા હતા. આ ઘટનાના પગલે રાજ્યભરમાં તંત્રની બેદરકારી સામે હોબાળો મચી ગયો હતો. સરકારે આ મામલે એસઆઇટીની રચના કરી છે તો પોલીસે ફેક્ટરી માલીક દિપક અને ખુબચંદ મુલતાનીની ધરપકડ કરી છે અને તેમની સામે ફરિયાદ નોંધી છે.

આજે પીએમની કાર્યવાહી બાદ તમામ મૃતદેહોને તેમના પરિવારજનોને સોંપવામાં આવ્યા હતા. પરિવારજનોએ આરોપ લગાવ્યો કે મધ્યપ્રદેશથી તમામ મજૂરોને સુતળી બોંબ બનાવવા માટે ડીસા લવાયા હતા. પરિવારજનોએ આરોપ લગાવી ભારે આક્રંદ મચાવતા કહ્યું હતું કે  અમને મૃતદેહની સોંપણી કરવામાં આવી નથી અને મૃતદેહોને બારોબાર રફેદફે કરવામાં આવ્યા છે. અમે ગુજરાત આવી રહ્યા હતાં, તેમ છતાંય મૃતદેહોને અમારી જાણ બહાર મધ્ય પ્રદેશ મોકલી દેવામાં આવ્યા છે.

ઉલ્લેખનિય છે કે તપાસમાં એવો પણ ઘટસ્ફોટ થયો છે કે અમદાવાદના નારોલ વિસ્તારમાં રહેતો અગ્રવાલ નામનો શખ્સ ફેક્ટરી માલિકોને ફટાકડા બનાવવા માટે એલ્યુમિનીયમ પાઉડર મોકલતો હતો. કોઇ પણ પ્રકારની સરકારી મંજૂરી વગર જ અહીં ગેરકાયદેસર રીતે ફટાકડાની ફેક્ટરી ધમધમી રહી હતી. તપાસમાં ચોંકાવનારી માહિતી આવી હતી કે દીપક ટ્રેડર્સ ફર્મનું રજીસ્ટ્રેશન તારીખ 01 જુલાઈ 2017નું છે. આમાં ધંધોનો પ્રકાર પણ લખેલો છે જેમાં કોઈ જગ્યાએ ફટાકડા બનાવવાનો ઉલ્લેખ નથી. ફક્ત હોલસેલર અને ડિસ્ટ્રીબ્યુટરનું લાયસન્સ આપવામાં આપ્યું હતું...ફટાકડા બનાવતી વખતે અચાનક એક તણખો ઝર્યો અને આ તણખો દારુગોળો બનાવવાના બોઇલરમાં પડતાં બોયલર ફાટ્યું હતું અને ત્યારબાદ પ્રચંડ બ્લાસ્ટ થતાં મજૂરોના ચીથડા ઉડી ગયા હોવાનું જાણવા મળે છે. ફેક્ટરીમાં 28 મજૂરો હતા