વડોદરામાં બડે બાપની ઓલાદનો “ અનધર રાઉન્ડ”..2 હાથ જોડી કરગરતો રહ્યો

વડોદરામાં હોળીની રાત્રે તેજ રફ્તારથી કાર ચલાવીને આચંક સર્જનાર રક્ષિત ચોરસિયા આજે પોલીસના રિન્સ્ટ્રક્શનમાં ગરીબડી ગાય બનેલો જોવા મળ્યો હતો. પોલીસે આજે તેને સાથે રાખીને આમ્રપાલી કોમ્પ્લેક્ષ પાસે રીકન્સ્ટ્રક્શન કર્યું હતું જ્યાં તે બે હાથ જોડીને કરગરતો જોવા મળ્યો હતો. પોલીસે ઘટના કઇ રીતે બની, તે ક્યાંથી આવતો હતો અને ક્યાં જઇ રહ્યો હતો અને ક્યા ક્યા સ્થળે તેણેટુ વ્હીલર્સને ટક્કર મારી હતી તે સહિતની માહિતી તેના મોંઢે જ મેળવી હતી. આ સમયે અકસ્માત બાદ નશામાં ધૂત બનીને અનધર રાઉન્ડ અનધર રાઉન્ડ ચીલ્લાવનારા રક્ષિતનું મોંઢું બંધ થઇ ગયું હતું અને બે હાથ જોડીને કરગરતો રહ્યો હતો. ઘટનાસ્થળે હજારો લોકોનું ટોળુ એકત્ર થઇ ગયું હતું અને લોકોમાં રક્ષિત સામે ભારે રોષ જોવા મળતો હતો. પોલીસે ચાંપતો બંદોબસ્ત ગોઠવી દીધો હતો.

 શહેરના કારેલીબાગ વિસ્તારમાં આવેલા દીપાવલિ સોસા. પાસે ગત ગુરૂવારની રાત્રે પુરઝડપે કાર લઇને નિકળેલા રક્ષિત ચોરસિયા અને પ્રાંશુ ચૌહાણએ એક બાદ એક ત્રણ વાહનોને અડફેટે લઇ 8 લોકોને ઉડાવ્યા હતા. મળતી માહિતી મુજબ સૌ પ્રથમ કાર ચાલકે સંગર ચાર રસ્તા પાસે એક મોપેડ ચાલકને ટક્કર મારી ત્યારબાદ પાણીની ટાંકી પાસે એક કારને ટક્કર મારતા બચી ગઇ આ પછી તેને દીપાવલિ સોસા. પાસે બે મોપેડને ટક્કર મારી જેમાં એક મહિલાએ હેમાલી પુરવ પટેલ ઘટના સ્થળેજ જીવ ગુમાવ્યો હતો.

 પોલીસે રક્ષિત ચોરસિયા સામે સપરાધ માનવ વધનો ગુનો નોંધી તેની ધરપકડ કરી ત્રણ દિવસના રિમાન્ડની માગણી કરી હતી. જોકે કોર્ટે એક દિવસના રિમાન્ડ મંજુર કર્યા હતા. તેવામાં આજે સવારે તેને છાંતીમાં દુખાવો થતો હોવાની ફરીયાદ કરતા તાત્કાલીક પોલીસ જાપ્તામાં સયાજી હોસ્પિટલમાં લઇ જવામાં આવ્યો હતો. જ્યાં તેની ચાલ બીલકુલ સીધી હતી, જોકે આશરે બે કલાક બાદ જ્યારે ચુસ્ત પોલીસ બંદોબસ્ત વચ્ચે રક્ષિતને દિપાવલિ સોસા. (ક્રાઇમ સીન) પર લાવવામાં આવ્યો ત્યારે તેની ચાલ બીલકુલ બદલાઇ ગઇ હતી.. તે રીકન્સ્ટ્રક્શન સમયે ચાલવામાં તકલીફ અનુભવતો હોવાનું જોવા મળ્યું હતું. પોલીસે તેની સર્વિસ કરી હોવાનું જોવા મળ્યું હતું.