ઉત્તર પ્રદેશના હરદોઈ જિલ્લામાં 24 વર્ષીય IAS ઉમેદવાર માનવી મિશ્રાની ગોળી મારીને હત્યા કરવામાં આવી હતી. પોલીસે તેને ઓનર કિલિંગનો મામલો ગણાવ્યો છે અને હત્યા માટે મૃતકના અપંગ ભાઈ આશુતોષ મિશ્રા અને તેમની માતાની ધરપકડ કરી છે. આ ઘટના રવિવારે સવારે પાલી પોલીસ સ્ટેશન વિસ્તાર હેઠળના આલિયાપુર ગામમાં માનવીના માતા-પિતાના ઘરે બની હતી.
પરિવારનો આત્મહત્યાનો દાવો
પરિવારે દાવો કર્યો હતો કે, માનવીએ આત્મહત્યા કરી હતી, પરંતુ ફોરેન્સિક તપાસમાં ચોંકાવનારો ખુલાસો થયો. તપાસમાં જાણવા મળ્યું કે, ગોળી માનવીના માથાની ડાબી બાજુથી ઘૂસી ગઈ હતી, જ્યારે પિસ્તોલ તેના જમણા હાથમાં મળી આવી હતી. આ વિસંગતતાએ પોલીસની શંકા વધારી હતી. શાહબાદ સર્કલ ઓફિસરઆલોક રાજ નારાયણે જણાવ્યું હતું કે, તપાસમાં જાણવા મળ્યું છે કે માનવીની હત્યા એટલા માટે કરવામાં આવી હતી કારણ કે તેણીએ તેના પરિવારની ઇચ્છા વિરુદ્ધ લગ્ન કર્યા હતા.
માનવીના લગ્ન વિવાદનું મૂળ કારણ
પોલીસના જણાવ્યા મુજબ, માનવીએ જાન્યુઆરી 2025 માં આર્ય સમાજ વિધિ અને કોર્ટ મેરેજ દ્વારા બરેલીની એક સરકારી શાળાના આચાર્ય અભિનવ કટિયાર સાથે લગ્ન કર્યા હતા. આ લગ્ન તેના પરિવારની ઇચ્છા વિરુદ્ધ હતા. માનવી UPSC સિવિલ સર્વિસીસ પરીક્ષાની તૈયારી માટે તેના માતા-પિતાના ઘરે રહેતી હતી.
ભાઈએ કબૂલ્યો ગુનો
પોલીસ પૂછપરછ દરમિયાન, માનવીના ભાઈ આશુતોષ મિશ્રાએ સ્વીકાર્યું કે, તેણે માનવી પર દેશી બનાવટની પિસ્તોલથી ગોળી ચલાવી હતી. પોલીસે હત્યાના કાવતરામાં સામેલ હોવા બદલ માતાની પણ ધરપકડ કરી છે. CO આલોક રાજ નારાયણે જણાવ્યું હતું કે, તે એક સુનિયોજિત હત્યા હતી, જેને આત્મહત્યા જેવો દેખાડવાનો પ્રયાસ કરવામાં આવ્યો હતો. પોલીસ આ મામલાની સંપૂર્ણ તપાસ હાથ ધરી છે.

યુવતીની કરી હત્યા

યુપીમાં IASની તૈયારી કરી રહેલી યુવતીની ગોળી મારીને કરી હત્યા, પોલીસને ઓનર કિલિંગની આશંકા

September 5, 2025 | 15:06 IST