હવાલા કૌભાંડઃ તેલંગાણામાં ગુજરાતના 2 શખ્સો ઝડપાયા

ગુજરાતના બે શખ્સોનું હવાલા કૌભાંડ તેલંગાણામાં ઝડપાયુ છે. હૈદરાબાદની બોવનપલ્લી પોલીસે ₹4.05 કરોડની રોકડ સાથે ગુજરાતના બંને શખ્સોને હવાલા તેમજ છેતરપિંડીના કેસમાં ધરપકડ કરી છે. બોવનપલ્લી પોલીસે મહબૂબનગર જિલ્લાના અદ્દકલ પોલીસ સ્ટેશન વિસ્તારની હદમાં કારમાં છુપાવીને લઈ જતાં હતા તે સમયે હવાલા કૌભાંડના ₹4.05 કરોડ ઝડપી લીધા હતા.

ડીસીપી (ઉત્તર ઝોન) એસ. રશ્મિ પેરુમલએ જણાવ્યું હતું કે, આરોપીઓની ઓળખ પ્રકાશ મોતીભાઈ પ્રજાપતિ અને પ્રજ્ઞેશ કીર્તિભાઈ પ્રજાપતિ તરીકે થઈ છે. બંને ગુજરાતના રહેવાસી છે.

તેમણે વધુમાં કહ્યું કે, આ કેસ 7 ડિસેમ્બર, 2024 ના રોજ નાગોલેના વી.વિશ્વનાથ ચારીએ નોંધાવેલી ફરિયાદનો છે. તેણે અને બે મિત્રોએ RTGS એક્સચેન્જમાં રોકડ મેળવવા બદલ મોહમ્મદ સુભાન પાશા નામના વ્યક્તિને ₹50 લાખ આપ્યા હતા. RTGS દ્વારા ₹60 લાખ આપવાનું વચન આપવામાં આવ્યું હતું, પરંતુ બાદમાં નહી આપીને રોકડ પરત કરવામાં આવી ન હતી.

તેમણે ઉમેર્યુ કે, દરમિયાન, 5 ડિસેમ્બરે પ્રકાશની હિલચાલ અંગેની માહિતીના આધારે બોવેનપલ્લી પોલીસે મહબૂબનગર જિલ્લાના અદ્દકલ પોલીસ હદમાં મહારાષ્ટ્ર રજિસ્ટ્રેશનવાળી એક SUV ને અટકાવી તપાસ કરી હતી. જેમાંથી પ્રકાશને ₹4.05 કરોડ હવાલાની રોકડ કબજે કરતાં પકડવામાં આવ્યો.

તેણે ઓગસ્ટ 2024 માં ₹50 લાખ મેળવ્યા હોવાનું કબૂલ્યું હતું અને ગેરકાયદે હવાલા કામગીરીના ભાગરૂપે જપ્ત કરાયેલી ₹4.05 કરોડની રોકડ નાગપુરથી બેંગલુરુ ખસેડવાની કબૂલાત કરી હતી. વધુ તપાસ ચાલી રહી છે. કુલ ₹4.05 કરોડ બિનહિસાબી રોકડ મળી આવી હતી અને હવે તેના સ્ત્રોત અને સંભવિત ગેરકાયદે નાણાકીય લિંક્સ સ્થાપિત કરવા માટે ચકાસણી ચાલી રહી છે.

પ્રકાશ પ્રજાપતિ 7 ડિસેમ્બર, 2024 ના રોજ બોવેનપલ્લી પોલીસ સ્ટેશનમાં નોંધાયેલા છેતરપિંડીના કેસમાં મુખ્ય આરોપી છે. ભારત ન્યાય સંહિતા (BNS) ની કલમ 316(2) અને 318(4) હેઠળ કેસ નોંધવામાં આવ્યો હતો. તેમણે નાગપુરથી બેંગલુરુમાં હવાલાના 4.05 કરોડ રૂપિયાના નાણાં પરિવહન કરવામાં પોતાની સંડોવણીની પણ કબૂલાત કરી છે.