અમેરિકાના સાઉથ કેરોલિનામાં છેલ્લા 23 વર્ષથી અહીં સ્થાયી થયેલા બોરસદના વતની કિરણબેન પટેલની ગોળી મારીને નિર્મમ હત્યા કરવામાં આવી છે. કિરણબેન પટેલ સાઉથ કેરોલિનામાં એક સ્ટોર ચલાવતા હતા, જ્યાં આ ઘટના બની હતી.
બુકાનીધારી યુવકે સ્ટોરમાં ઘૂસી ગોળીબારી કરી
આ ઘટના 3 દિવસ પહેલા રાત્રિના સમયે બની હતી. જ્યારે કિરણબેન સ્ટોર બંધ કરીને ઘરે જવાની તૈયારી કરી રહ્યા હતા, ત્યારે તેઓ કેશ કાઉન્ટ કરી રહ્યા હતા. તે જ સમયે, એક બુકાનીધારી યુવક લૂંટના ઈરાદે સ્ટોરમાં ઘૂસી આવ્યો અને અંધાધૂંધ ગોળીબાર શરૂ કરી દીધો.
આ પણ વાંચો: <a href="https://www.benefitnews24.com/gujarati/gujarat/seventh-day-school-inquiry-committee-inquiry/19503" target="_blank" rel="noopener">Seventh Day School : તપાસ કમિટીની પૂછપરછ</a>
ગુજરાતી સમાજમાં શોકની લાગણી
આ ફાયરિંગમાં કિરણબેનને 8થી વધુ ગોળીઓ વાગી હતી, જેના કારણે તેઓ સ્થળ પર જ ઢળી પડ્યા હતા. કિરણબેન પટેલના અકાળે અવસાનથી તેમના પરિવાર અને સમગ્ર ગુજરાતી સમાજમાં શોકની લાગણી છવાઈ ગઈ છે. તેમના 2 બાળકો છે, એક દીકરો યુકેમાં અને એક દીકરી કેનેડામાં રહે છે.
પોલીસે સમગ્ર મામલે તપાસ શરૂ કરી
આ ઘટનાએ અમેરિકામાં ગુજરાતીઓની સુરક્ષા અંગે ગંભીર સવાલો ઊભા કર્યા છે. પોલીસે આ મામલે તપાસ શરૂ કરી દીધી છે, પરંતુ હજુ સુધી હત્યારા વિશે કોઈ સત્તાવાર માહિતી બહાર આવી નથી. કિરણબેન પટેલની આ દુર્ઘટના તેમના પરિવાર માટે આઘાતજનક છે. સાઉથ કેરોલિનામાં આ પ્રકારની ઘટના બનવાથી સ્થાનિક ગુજરાતી સમુદાયમાં ભયનો માહોલ ફેલાયો છે.

કિરણબેન પટેલની હત્યા

સાઉથ કેરોલિનામાં લૂંટના ઇરાદે થયેલા હુમલામાં બોરસદના કિરણબેન પટેલની ગોળી મારી હત્યા

September 19, 2025 | 16:41 IST