Madhya Pradesh : મૌગંજમાં પોલીસ પક હુમલાનો કેસ, 6 આરોપીઓની ધરપકડ

મધ્યપ્રદેશના મૌગંજ જિલ્લામાં એક પોલીસ ટીમ પર ઘાતક હુમલામાં એક સહાયક ઉપ-નિરિક્ષક (ASI) અને એક નાગરિકના મોત થયા છે. આ મામલે છ આરોપીઓની ધરપકડ કરવામાં આવી છે.

રેવાના વિભાગીય કમિશનર સાકેત પ્રકાશ પાંડે એ ઘટનાસ્થળની મુલાકાત લીધા બાદ જણાવ્યું કે હાલ સ્થિતિ નિયંત્રણમાં છે, અને દબરા ગામમાં કાયદો અને વ્યવસ્થાની સ્થિતિ જાળવવા માટે પોલીસ તૈનાત કરવામાં આવી છે.

આ રીતે થયો હુમલો...

મૌગંજ જિલ્લાના ગડારા ગામમાં શાહપુર પોલીસ સ્ટેશનના વિસ્તારમાં આ ઘટના બની. હોળીના તહેવાર દરમિયાન કેટલીક અનુસૂચિત જનજાતિ (ST) સમુદાયના લોકોએ સુન્ની દુબે નામના એક વ્યક્તિને કથિત રીતે બંધક બનાવી લીધો હતો.

જ્યારે પોલીસ ટીમ તેને બચાવવા પહોંચી, ત્યારે મોટી સંખ્યામાં મહિલાઓ લાકડીઓ અને પથ્થરો લઈને ઉભી હતી, જ્યારે પુરુષો ઘરમાં ઘાતક હથિયારો લઈને છુપાયા હતા. પોલીસ પર પથ્થરમારો શરૂ કરી દેવામાં આવ્યો.

ASI ગૌતમ શહીદ, પીડિત દુબે મૃત હાલતમાં મળ્યો...

આ હુમલામાં ASI ગૌતમનું મોત થયું. પોલીસના વરિષ્ઠ અધિકારીઓએ તરત જ વધારાની ટુકડી મોકલી, અને SDPO અંકિતા સુલ્યા પણ ઘટનાસ્થળે પહોંચી. તેમણે બે કલાક સુધી ગામલોકો સાથે વાતચીત કરી અને આખરે દુબે બંધક બનાવવામાં આવ્યો હતો તે દરવાજો ખોલાવાવ્યોજ્યારે દરવાજો ખોલવામાં આવ્યો, ત્યારે સુન્ની દુબે મૃત હાલતમાં મળ્યો.

CM એ સખત કાર્યવાહીનો આદેશ આપ્યો...

મધ્યપ્રદેશના CM મોહન યાદવે આ ઘટનાને દુઃખદ ગણાવી અને તત્કાળ ઉચ્ચ પોલીસ અને વહીવટી અધિકારીઓને સ્થળ પર પહોંચવા અને તપાસ હાથ ધવાની સુચના આપી.

મૃતકને કારણે રસ્તા અકસ્માત કે હત્યા?

ગામલોકોના દાવા અનુસાર, સુન્ની દુબેના કારણે તેમના પરિવારના સભ્ય અશોક કુમારનું મોત થયું હતું, જેના કારણે તેમણે દુબેને બંધક બનાવ્યો હતો. જો કે, પોલીસે પ્રાથમિક તપાસમાં જણાવ્યું કે અશોક કુમારનું મોત એક માર્ગ અકસ્માતમાં થયું હતું.