ક્ષત્રિય સમાજના અગ્રણી પદ્મિનીબા સહિત 5 સામે હની ટ્રેપની ફરિયાદથી ખળભળાટ

રાજકોટ શહેર તથા જિલ્લામાં છેલ્લા કેટલાક દિવસોથી સતત રાજકીય તથા સામાજિક હલચલ ચાલી રહી છે. હવે ગોંડલથી એક એવી ઘટના સામે આવી છે, જે સમગ્ર ક્ષત્રિય સમાજ અને સામાજિક કાર્યકરો વચ્ચે ચર્ચાનો વિષય બની છે. ક્ષત્રિય સમાજની જાણીતી મહિલા અગ્રણી પદ્મિનીબા વાળા, તેમના પુત્ર સહિત કુલ પાંચ લોકો વિરુદ્ધ ગોંડલ સીટી B ડિવિઝન પોલીસ સ્ટેશનમાં ગુનો નોંધાયો છે.

ઉલ્લેખનિય છે કે  પદ્મિનીબા વાળા જુદા-જુદા સામાજિક મંચો પર સક્રિય રહી ચૂક્યા છે અને સમાજમાં તેમની ઓળખ એક મજબૂત મહિલા નેતા તરીકે રહી છે અને તેવા સમયે તેમની સામે જ ગંભીર આરોપો લગાવતી ફરિયાદ નોંધાતા ખળભળાટ મચી ગયો છે. 

રાજકોટ રુરલ પોલીસ સ્ટેશનમાં રમેશભાઇ ત્રિકમભાઇ અમરેલીયાએ પોલીસ ફરિયાદમાં જણાવ્યું હતું કે 15 દિવસ પહેલાં તેજલ નામની યુવતી તેમના ઘેર આવી હતી અને મારો ફોન નંબર લીધો હતો. બાદમાં તેણે ફોન કરીને કહ્યું કે મારો પતિ મૃત્યુ પામ્યો છે અને મારા ઘરમાં કોઇ નથી. તમે મારુ 7થી 8 લાખનું દેણું ભરી દો. તમે કહો એમ કરવા હું તૈયાર છું. અને સંબંધ બાંધવા પણ તૈયાર છું. ત્યારબાદ તે યુવતીએ વીડિયો કોલમાં પોતાનું ટી શર્ટ કાઢી નાખ્યું હતું અને ફોન કટ કર્યો હતો. ત્યાર બાદ બાદ બીજા દિવસે તેમને ફોન આવ્યો કે તેજલ વિશે વાત કરવી છે તો રાજકોટ આવો . ત્યારબાદ બે યુવાનો તેમના ઘેર આવ્યા હતા અને પદ્મિનીબા આવ્યા છે અને તેમને તમારી સાથે વાત કરવી છે. તેમણે પોલીસ ફરિયાદમાં જણાવ્યું કે પદ્મિનીબા વાળા, તેજલ તથા પદ્મિનીબાનો પુત્ર અને અન્ય મળીને 5 લોકો તેમના ઘરમાં જબરજસ્તીથી ઘુસી ગયા હતા . પદ્મિનીબાએ તેમના ઘરમાં ઘઉસીને પરિવારના સભ્યો સામે જોરજોરથી બુમો પાડી ખોટા આરોપ લગાવ્યા હતા અને રોડ વચ્ચે કાઢીને મારીશ તેમ જણાવ્યું હતું . હર્ષ સંઘવીને કહીને તારુ ઘર તોડાવી દઇશ. આ વખતે તેમના મિત્ર વનરાજભાઇ આવી જતાં પદ્મિનીબાએ તેમને રાજકોટ આવીને માફીનો વીડિયો તથા માફી પત્ર અને સેટલમેન્ટની ધમકી આપી તેજલના 7-8 લાખનું દેવુ ભી દેવા ધમકી આપી હતી. તે સમયે તેજલે પોતાના પર્સમાંથી દવા કાઢીને પીવાનું પણ તરકટ કર્યું હતું. 

આ મામલે પદ્મિનીબા વાળાએ પોલીસ સ્ટેશનની બહાર જણાવ્યું હતું કે એક રાજકોટના બેનની મે રજૂઆત સાંભળી અને મે તેને કહ્યું કે મારે બંને પાસા જોવા પડે. તે ભાઇને પણ સાંભળવા પડે. અમે તે ભાઇને ફોન કર્યો તો તેમણે અમને ગોંડલ બોલાવ્યા. મારો દીકરો હંમેશા મારી સાથે હોય છે. તે ભાઇને મારે ખુલ્લા પાડવા હતા કે કોઇ બહેન દિકરીનું શોષણ ના કરે. ત્યાર પછી તે ભાઇ માફી માગવા માડ્યા.અને કહ્યું કે મારી હવે ભૂલ થશે નહીં. હું એક સામાજિક આગેવાન તરીકે કોઈના ઘરે ન જઈ શકું? શાંતિથી વાત ચર્ચા ન કરી શકું? અમે કેટલા તો સમાધાન કરાવેલા છે એટલે ખોટી રીતે મારી પર ફરિયાદ કરેલી છે તો હવે મારે કોની પાસે ન્યાય લેવા જવાનો ? પૈસાની માંગણી કોઈએ કરેલી નથી એ લોકો પાસે કોઈ એવીડન્સ તો હશે ને એમનો ફોન પણ ચાલુ હતો અને મેં કીધું તમારો ફોન પણ ચાલુ રાખો અને અમારો ફોન પણ ચાલુ રાખીએ તો એ લોકોને કહો કે પુરાવા આપે એક શબ્દ પણ એક રૂપિયાનો નીકળ્યો હોય તો. આમની પાછળ બીજા કોઈ તત્વો કામ કરી રહ્યા છે”

આ પણ વાંચો--- ભાજપમાં ફરી ભડકો, ઉપલેટાના ધારાસભ્ય મહેન્દ્ર પાડલિયા સામે લેટર બોમ્બ

સમાચાર મેળવવા આજે જ અમારી WAHTSAPP ચેનલ સાથે જોડાવ