DB Stock Scam : CBI નો ગુવાહાટીમાં સપાટો, કરોડોના કૌભાંડમાં બે માથાં પકડાયા!

સેન્ટ્રલ બ્યુરો ઓફ ઇન્વેસ્ટિગેશન (CBI)એ ગુવાહાટીમાં એક મોટા કૌભાંડનો પર્દાફાશ કર્યો છે. CBI એ પુષ્પજીત પુરકાયસ્થ અને સંદીપ ગુપ્તા નામના બે વ્યક્તિઓને દબોચી લીધા છે. આ ધરપકડ ગુવાહાટીમાં મુખ્ય સૂત્રધાર દીપાંકર બર્મન દ્વારા ચલાવવામાં આવતા એમ/એસ ડીબી સ્ટોક (DB Stock Scam) કન્સલ્ટન્સીના કરોડો રૂપિયાના કૌભાંડની તપાસ દરમિયાન તેમની સંડોવણી બહાર આવ્યા બાદ કરવામાં આવી છે.

CBI ના પ્રવક્તાએ જણાવ્યું કે, આરોપી પુષ્પજીત પુરકાયસ્થ, જે ગુવાહાટીમાં એક્સિસ બેંકની રેહબારી શાખાના ભૂતપૂર્વ શાખા પ્રબંધક હતા, તે ડીબી સ્ટોક (DB Stock Scam) કન્સલ્ટન્સી સાથે મળીને લોકોને ઊંચા વળતરનું લોભામણું જૂઠું વચન આપીને તેમની પાસેથી નાણાં એકત્ર કરવામાં સીધી રીતે સામેલ હતો. તપાસમાં ખૂલ્યું છે કે, તેણે મુખ્ય કાવતરાખોર દીપાંકર બર્મન સાથે હાથ મિલાવીને બેંકના ગ્રાહકો અને અન્ય રોકાણકારોને આકર્ષક અને ખાતરીપૂર્વકના વળતરની ભ્રામક વાતોમાં ફસાવીને આ યોજનામાં રોકાણ કરવા માટે ઉશ્કેર્યા હતા. આ નરાધમોએ નિર્દોષ રોકાણકારોને છેતરપિંડીની જાળમાં ફસાવીને કમિશનના રૂપમાં કરોડો રૂપિયાનો ગેરકાયદેસર લાભ ઉઠાવ્યો હતો.

પ્રવક્તાએ વધુમાં જણાવ્યું કે, પુષ્પજીતે મુંબઈ અને ગુવાહાટી સ્થિત ગ્રાહકો અને રોકાણકારોનું સંચાલન કર્યું હતું અને આ છેતરપિંડીવાળી પ્રવૃત્તિઓને સરળ બનાવવા માટે પોતાની ઉચ્ચ પદનો દુરુપયોગ કર્યો હતો. બીજો આરોપી સંદીપ ગુપ્તા ડીબી સ્ટોક (DB Stock Scam) કન્સલ્ટન્સીનો મુખ્ય એજન્ટ અને એગ્રીગેટર હતો, જે ડીબી સ્ટોક (DB Stock Scam) નામની ગેરકાયદેસર ડિપોઝિટ સ્કીમના સંચાલનમાં મુખ્ય કાવતરાખોર દીપાંકર બર્મન અને તેના સાથીદારો સાથે મળીને કાવતરું ઘડતો પકડાયો છે. તેણે ડિબ્રુગઢના ગ્રાહકો અને રોકાણકારોને ઝાંસામાં રાખ્યા હતા, 350 થી વધુ ગ્રાહકોને આ સ્કીમમાં લાવ્યો હતો અને ઊંચા વળતરના ખોટા વાયદાઓ આપીને તેમની પાસેથી નાણાં ખંખેર્યા હતા.

તપાસમાં એ પણ બહાર આવ્યું છે કે, આ ગુનેગારે પોતાના નેટવર્ક દ્વારા કરેલા રેફરલ અને એકત્રિત કરેલી રકમ પર ડીબી સ્ટોક (DB Stock Scam) કન્સલ્ટન્સી પાસેથી લાખો રૂપિયા કમિશનના રૂપમાં ગેરકાયદેસર રીતે કમાયા હતા. CBI એ આ પહેલાં જ આ કૌભાંડના મુખ્ય આરોપી દીપાંકર બર્મન, તેની મંગેતર મોનાલિસા દાસ, તેના માતા-પિતા છબીન બર્મન અને દીપાલી બર્મન અને મુકેશ અગ્રવાલ નામના એક ચાર્ટર્ડ એકાઉન્ટન્ટ સામે આરોપનામું દાખલ કરી દીધું છે.

ડીબી સ્ટોક (DB Stock Scam)નો માલિક દીપાંકર બર્મન દેશભરમાં 10,000 થી વધુ લોકોને 400 કરોડ રૂપિયાથી વધુની છેતરપિંડી અને ઠગાઈ કરવાના આરોપમાં ફસાયેલો છે. તેણે લોકોને ઊંચા અને નિશ્ચિત વળતરના ખોટા વચનો આપીને એક છેતરપિંડીવાળી અને ગેરકાયદેસર ડિપોઝિટ સ્કીમમાં રોકાણ કરવા માટે લલચાવ્યા હતા અને ત્યારબાદ આ ડિપોઝિટ પર ડિફોલ્ટ કર્યો હતો. CBI હવે આ કેસની ઊંડાણપૂર્વક તપાસ કરી રહી છે અને આ કૌભાંડમાં સંડોવાયેલા તમામ ગુનેગારોને કાયદાના કઠેડામાં લાવવા માટે મક્કમ છે.