તમારો ભાગ્ય યોગ પાકી ગયો છે તેમ કહી ભુવાએ મહિલાને ખોળામાં બેસાડી અને....

સુરતમાં ચોંકાવનારો બનાવ બન્યો છે. સુરતમાં અમરેલીથી સંબંધીને મળવા આવેલા ભુવાએ વિધીના બહાને મહિલા સાથે દુષ્કર્મ કર્યું હતું. તમારો ભાગ્ય યોગ્ય પાકી ગયો છે અને વિધી કરવાથી ભાગ્ય યોગ શરુ થઇ જશે તેમ જણાવીને ભુવાએ રાત્રે દંપતિને રુમમાં બોલાવ્યું હતું અને મંત્રો બોલીને પતિ-પત્નીને વશમાં કરી લીધા હતા.ત્યારબાદ ભુવાએ પતિને ઘરની બહાર મોકલી મહિલાને નિર્વત્ર કરીને તેની સાથે દુષ્કર્મ આચર્યું હતું. પતિની ગેરહાજરીમાં તેણે મહિલા પર દુષ્કર્મ આચર્યું હતું અને ત્યારબાદ ભુવો જતો રહ્યો હતો. બીજા દિવસે મહિલાએ પતિને સમગ્ર મામલો જણાવતાં પતિએ ભુવાનો બોલાવ્યો હતો . ભુવાએ ત્યારબાદ માફીનું નાટક કર્યું હતું પણ મહિલાએ પોલીસમાં ફરિયાદ કરતાં પોલીસે ભુવાને પકડીને જેલ હવાલે કર્યો હતો.

અંધશ્રદ્ધામાં ગળાડૂબ હજું ઘણા લોકો 21મી સદીમાં પણ ભુવાના સહારે પોતાની સમસ્યા દૂર થશે તેમ માની રહ્યા છે. સુરતમાં આવો જ એક ચોંકાવનારો બનાવ બહાર આવ્યો છે. જ્યાં અમરેલીના ધારીમાં રહેતો ભુવો ભરત કુંજડીયા સુરતમાં પોતાના સંબંધીને ત્યાં મહેમાન તરીકે આવ્યો હતો . 42 વર્ષની આ મહિલાના ઘેર આ ભુવો અગાઉ પણ અવાર નવાર આવતો હતો. ગત 19 જાન્યુઆરીએ ભુવો ભરત ફરી આવ્યો હતો અને તેની સાથે સેવક તરીકે તેનો પુત્ર અને સંબંધી પણ હતો. 

ભુવાએ તેને ત્યાં પોતે રોકાયો હતો તે જ દંપતિને કહ્યું હતું કે તમારો યોગ પાકી ગયો છે અને વિધી કરવાથી તમારું ભાગ્ય ખુલી જશે. ત્યારબાદ ભુવો ભરત મહિલાના પતિ સાથે વિધીનો સામાન લેવા ગયો હતો અને થોડી વારમાં સામાન લઇને બંને ઘેર પરત ફર્યા હતા. 

રાત્રિના સમયે દંપતિને રૂમમાં બોલાવી દીવો ચાલુ કરી ભુવાએ મંત્ર ભણ્યા હતા અને ત્યારબાદ પતિ અને પત્નીને પોતાના વશમાં કરી દીધા હતા. મહિલાને નિર્વસ્ત્ર કરીને ભુવાએ તેના પતિને ઘરની બહાર મોકલી દીધો હતો અને વિધીનું નાટક કરીને મહિલા સાથે દુષ્કર્મ આચર્યું હતું. 

મળેલી જાણકારી મુજબ રાત્રે સાડા બાર વાગ્યે અચાનક ભુવાએ દંપતીને કહ્યું હતું તમારો યોગ પાકયો છે. ભાગ્ય ખૂલી ગયા છે કહી વિધિના બહાને બંનેને એક રૂમમાં લઇ ગયો હતો. અહીં આખા રૂમમાં અંધારું કરી માત્ર દીવો સળગાવ્યો હતો. ચોખા, ગંગાજળ, કંકુ ઘી સહિતની સામગ્રી મૂકી મંત્રોચ્ચા શરૂ કર્યા હતા. દંપતીને નગ્ન કરાવી દઇ ભુવાએ વારાફરતી આ દંપતીને નગ્ન અવસ્થામાં જ પોતાના ખોળામાં બેસાડયા હતા. બાદમાં પતિને કપડાં પહેરાવી બહાર મોકલી દીધો હતો. વિધિના બહાને પરિણીતાના ગુપ્ત ભાગોને અડતો હતો. તેમજ પોતાનું ગુપ્ત ભાગોને પાણ પરિણીતા પાસે અડપલા કરાવ્યા બાદ જાગૃત કરવાના બહાને દુષ્કર્મ આચર્યું હતું.

મહિલાએ બીજા દિવસે પતિને વાત કરતા પતિએ ભૂવાને બોલાવ્યો હતો. ભુવા ભરતે તેના ગામના સરપંચ સાથે આવી અને માફી માગી હતી પણ મહિલાએ  કાપોદ્રા પોલીસ મથકમાં ભુવા ભરત કુંજડીયા વિરુદ્ધ દુષ્કર્મનો ગુનો નોંધાવતા પોલીસે ગુનો નોંધીને ભુવાની ધરપકડ કરી હતી.