પોરબંદરમાં ખળભળાટ, ભુરા મુંજાના પત્ની હિરલ બાની ધરપકડ

પોરબંદરમાં ખળભળાટ મચાવે તેવો બનાવ બન્યો છે.ભુરા મુંજાના પત્ની હિરલ બાની પોલીસે ધરપકડ કરી છે.પોલીસમાં નોંધાયેલી ફરિયાદ મુજબ 70 લાખ રુપિયા કઢાવવા માટે આરોપીઓએ દબાણ કરી ગોંધી રાખ્યા હોવાની માહિતી અપાઇ છે. ઇઝરાયેલ સ્થિતિ મહિલાએ હીરલબા જાડેજા વિરુદ્ધ વીડિયો દ્વારા  ગંભીર આરોપ લગાવ્યા હતા

પોરબંદરના હાર્બર મરીન પોલીસ સ્ટેશનમાં ભનાભાઇ અરજણભાઇ ઓડેદરા (રહે, કુછડી ગામ) દ્વારા હિરલ બા ભુરાભાઇ મુંજાભાઇ ઓડેદરા , હિતેશ ભીમાભાઇ ઓડેદરા તથા વિજય ભીમાભાઇ ઓડેદરા તથા અન્ય ચારથી પાંચ શખ્સો સામે ફરિયાદ નોંધાવી છે.

સમાચાર મેળવવા આજે જ અમારી WAHTSAPP ચેનલ સાથે જોડાવ

ફરિયાદ મુજબ મહિલાએ ફરિયાદમાં જણાવ્યું કે, આ કામના આરોપીઓએ રાત્રીના ફરી.ના ઘરે અજાણ્યા ચાર થી પાંચ આરોપીઓ એ ગ્રૃહ અપ પ્રવેશ કરી ફરી. તથા સાહેદોનુ અપહરણ કરી ફરી.ની દિકરીએ લીધેલ સીત્તેર લાખ રુપિયા કઢાવવા સારુ આરોપી (૧) ના બંગલે લઇ જઇ આરોપી નં (૧) ની સામે આરોપી નં (૨) તથા (૩) નાએ ફરી.ની દિકરી સાથે ફરી.તથા તેના જમાઇની વીડીયોકોલમાં વાત કરાવી રુપિયા કઢાવવા માટે દબાણ કરી ફરી.તથા સાહેદોને જમીન, કમાન, પ્લોટ,દાગીના વિગેરે આપી દેવા દબાણ કરી જાનથી મારી નાખવાની ધમકી આપી આરોપી નં (૨) નાએ બળજબરીથી ફરી.પાસેથી અલગ-અલગ કુલ-૧૧ કોરા ચેકમાં સહી કરાવી લઇ લીધેલ તેમજ આરોપી નં (૩) નાએ ફરી.ની દિકરીની મરણજનાર દિકરીની નિશાની માટે રાખેલ હાથમાં પહેરવાનો દોઢ તોલાનો સોનાનો બેરખો તથા આશરે અડધા-પોણા તોલાનો ચેઇન એમ આશરે દોઢેક લાખના દાગીના લઇ ફરી.તથા ફરી.ના જમાઇને સતર દિવસ સુધી તથા ફરી.ની દિકરીના દિકરા રણજીતને બાર દિવસ સુધી બળજબરીથી સીત્તેર લાખ રુપિયા કઢાવી લેવા માટે આરોપી નં (૧) ના બંગલે ગોંધી રાખી ગુનો કર્યો હતો.

પોલીસે આ બનાવ અંગે કુતિયાણાના પૂર્વ ધારાસભ્ય એવા ભુરા મુંજા ના પત્ની હિરલ બાની ધરપકડ કરી છે જેના પગલે પોરબંદરના રાજકારણમાં ગરમાવો આવી ગયો છે.

આ પણ વાંચો---  Lunawada માં નામકરણનો વિવાદ, ભાજપના નિર્ણયથી રાજકારણ ગરમાયું...