VADODARA : શિક્ષીકાએ ભાણેજ હોવાનું કહીને રુમમાં લઇ ગયા બાદ....

13 વર્ષના વિદ્યાર્થીને લઈ ભાગેલી સુરતની 23 વર્ષની શિક્ષિકાના વડોદરાના અલકાપુરી વિસ્તારમાં આવેલા એક ગેસ્ટહાઉસમાં રોકાયા હતા અને ત્યાં તેણે વિદ્યાર્થી સાથે શરીર સંબંધ બાંધ્યો હોવાનો ખુલાસો થયો છે.

સુરતની શિક્ષીકા પોતાના 13 વર્ષના વિદ્યાર્થીને લઇને ભાગી ગઇ હતી. બંને દિલ્હી, વૃંદાવન અને જયપુર તથા વડોદરા સહિતના સ્થળોએ પહોંચ્યા હતા અને ત્યારબાદ પરત આવી રહ્યા હતા ત્યારે પોલીસે બંનેને શામળાજી બોર્ડર પાસેથી દબોચી લીધા હતા અને સુરત લાવી હતી.બંનેની પૂછપરછમાં અનેક ચોંકાવનારા ખુલાસા થઇ રહ્યા છે . પોલીસના જણાવ્યા મુજબ શિક્ષીકા અને વિદ્યાર્થી વડોદરા આવ્યા બાદ અલકાપુરીના ગેસ્ટ હાઉસમાં બંને રોકાયા હતા અને ગેસ્ટ હાઉસમાં શિક્ષિકાએ માસૂમ સાથે શરીર સંબંધ બાંધ્યો હતો.

ગેસ્ટહાઉસમાં તેણે આ વિદ્યાર્થીને પોતાનો ભાણેજ ગણાવ્યો હતો. તેણે કાઉન્ટર પર કહ્યું હતું કે આ મારો ભાણેજ છે,પાવાગઢ જવાનું છે તેમ કહી ફોટા સાથેનું આઇકાર્ડ રજૂ કર્યું હતું  અને ત્યારબાદ ગેસ્ટ હાઉસમાં બંને એક રૂમમાં જ રહ્યા હતા

બીજી તરફ સુરત પોલીસને ચકમો આપવા શિક્ષિકાએ બદલેલો નંબર વડોદરા પોલીસે શોધી આપ્યો હતો. સયાજીગંજ પોલીસે આપેલા નવા નંબર પરથી સુરત પોલીસે શિક્ષિકાને ઝડપી પાડી હતી.

ઉલ્લેખનિય છે કે શિક્ષીકા હાલ પ્રેગ્નન્ટ છે અને તેના પેટમાં 5 મહિનાનો ગર્ભ છે. શિક્ષીકાની પ્રાથમિક પૂછપરછમાં તેણે દાવો કર્યો કે તેના ગર્ભમાં રહેલું બાળક આ વિદ્યાર્થીનું જ છે. તેથી પોલીસ પણ હાલ અસંમજસમાં મુકાઇ છે. છેલ્લા 1 વર્ષમાં શિક્ષીકા અને વિદ્યાર્થી વચ્ચે તેના ઘરમાં જ ઘણી વખત શરીર સંબંધ બંધાયેલો હોવાની બંનેએ કબુલાત કરી હોવાનું પોલીસ જણાવી રહી છે. પોલીસ હવે ડીએનએ ટેસ્ટ કરાવાની તૈયારી કરી રહી છે.  વિદ્યાર્થી શિક્ષીકા પાસે એકલો જ ભણતો હતો અને તેથી બંને અવાર નવાર શરીર સંબંધ બાંધતા હોવાનો ખુલાસો શિક્ષીકાએ કર્યો હતો જ્યારે આ સગીર કિશોરે પણ પોલીસને કહ્યું હતું કે તેના ઘેર કોઇ ન હતું ત્યારે બંને શરીર સંબંધ બાંધતા હતા

પોલીસ તપાસમાં જણાયું કે શિક્ષીકા અને 13 વર્ષના વિદ્યાર્થી વચ્ચે છેલ્લા 1 વર્ષથી પ્રેમસંબંધ હતો અને તેથી તે વિદ્યાર્થીને ભગાવીને જતી રહી હતી. શિક્ષીકા સામે સગીરના અપહરણ મામલે બીએનએસની કલમ મુદબ ગુનો નોંધાયો છે અને પોલીસ હાલ તપાસ કરી રહી છે. બંને વચ્ચે શારિરીક સંબંધ બંધાયો હોવાનું બહાર આવતા શિક્ષીકા સામે યૌન શોષણ બદલ પણ ગુનો નોંધાયો છે. તથા પોક્સોની કલમ મુજબ પણ ગુનો નોંધાયો છે.

એવી પણ શક્યતા પોલીસ સેવી રહી છે કે પોતે પ્રેગ્નન્ટ થતાં સમાજ આ સંબંધ નહીં સ્વીકારે તે ડરથી શિક્ષીકા કિશોર પ્રેમીને ભગાવી લઇ ગઇ હતી. શિક્ષીકા અને વિદ્યાર્થીએ ઘેરથી ભાગી જવાનો પ્લાન બનાવ્યો હતો. ભાગતા પહેલા વિદ્યાર્થી તેના બે ત્રણ જોડી કપડાં પણ શિક્ષીકાને આપીને આવ્યો હતો અને ભાગતા પહેલા પણ તેમણે વિદ્યાર્થીના કપડા અને શુઝ સહિતની ચીજો ખરીદી હતી.

આ પણ વાંચો--- SURAT : શિક્ષીકાનો દાવો, પોતાના ગર્ભમાં રહેલું બાળક તેના સગીર પ્રેમીનું..

સમાચાર મેળવવા આજે જ અમારી WAHTSAPP ચેનલ સાથે જોડાવ