થરાદમાંથી ₹460 કરોડની ઠગાઈના કેસમાં 4 ઝડપાયા

ઉત્તર ગુજરાત હવે જામતાડા બનવા તરફ જઈ રહ્યું છે. સાયબર છેતરપિંડી આચરનારા શખ્સો ઉત્તર ગુજરાતના જિલ્લાઓમાંથી પકડાઈ રહ્યા છે. શેરબજારમાં નફો કરવાની લાલચ આપીને રોકાણ કરાવ્યા બાદ છેતરપિંડી કરનાર વાવ-થરાદ જિલ્લાના થરાદના 4 શખ્સોને ગાંધીનગર સાયબર ક્રાઈમે ઝડપી લીધા છે. ચારેય શખ્સો સામે NCCRP પોર્ટલ અને સમન્વય પોર્ટલ ઉપર 428 ફરિયાદો નોંધાઈ હોવાનું તેમજ 460 કરોડની છેતરપિંડી આચરી હોવાનું સાયબર ક્રાઈમની તપાસમાં સામે આવ્યું છે.

ગાંધીનગર સાયબર ક્રાઈમ પોલીસે થરાદના રામાભાઇ લાલજીભાઇ પંડ્યા, દર્શનકુમાર હરેશભાઇ પુરોહિત, અમરતભાઇ હમીરભાઇ જોષી રહે. ભાખરી, થરાદ અને રઘુરામ ભુરાભાઇ પાંડવ રહે. ભુરીયા, થરાદવાળાને ઝડપી લીધા છે. ચારેય આરોપીઓએ વોટસએપ મારફતે સંપર્ક કરી પોતાની રજીસ્ટ્રર બ્રોકર કંપનીના કર્મચારી અધિકારી તરીકે ઓળખ આપી તેઓની કંપનીના વોટસએપ ગૃપોમાં એડ કરી રોકાણ કરવાથી ખુજ નફો થયેલ છે તેવા મેસેજ ગૃપના સભ્યો દ્વારા ગૃપમાં મુકાવી તેઓની કંપનીની “ROCKCREEAK” નામની એપ્લિકેશન ડાઉનલોડ કરાવી રૂપિયા 3.90 કરોડનું રોકાણ કરાવી રોકાણના રૂપિયા નફા સાથે પરત નહીં આપી છેતરપીંડી  આચરી હતી.

આરોપીઓ DARSHAN PARLOUR  તેમજ અલગ- અલગ વ્યક્તિઓના નામે ફર્મ ઉભી કરી બેંક ખાતાઓ ખોલાવી સાયબર સિન્ડિકેટના આરોપીઓને ઇન્વેસ્ટમેન્ટ ફ્રોડ તથા છેતરપિંડીના નાણાં સગેવગે કરવા સારૂ કમિશનથી મોકલી આપતા હતા. સાયબર ક્રાઈમની તપાસ દરમિયાન આરોપીઓ પાસેથી 126 બેંક ખાતાઓ મળી આવ્યા છે.  

આરોપીઓના BANDHAN BANK ના DARSHAN PARLOUR વાળા બેંક ખાત વિરૂદ્ધ NCCRP પોર્ટલ તથા સમન્વય પોર્ટલ પર ચેક કરતાં ગુજરાતમાં 03, કર્ણાટકમાં 10, મહારાષ્ટ્રમાં 06, હરિયાણામાં 01, તામિલનાડુમાં 02, ઉત્તરપ્રદેશમાં 02, તેલંગાણામાં 03, આંધ્રપ્રદેશમાં 01, પશ્ચિમ બંગાળમાં 01, ઝારખંડમાં 01 મળી 30 ફરિયાદો નોંધાઈ છે. જેમાં રૂપિયા 11,83,52,468 ની છેતરપિંડી થઈ હોવાનું જાણવા મળ્યું છે.   

આરોપીઓના 126 બેંક ખાતાઓ NCCRP પોર્ટલ તથા સમન્વય પોર્ટલ પર ચેક કરતા ગુજરાતમાં 43, આંધ્રપ્રદેશમાં 18, આસામમાં 03, બિહારમા 13, ચંદીગઢ 01, છત્તીસગઢમાં 05, દાદરા નગર હવેલીમાં 03, દિલ્હીમાં 22, ગોવામાં 03, હરિયાણામાં 17, હિમાચલ પ્રદેશમાં 03, જમ્મુ કશ્મીરમાં 05, ઝારખંડમાં 05, કર્ણાટકમાં 50, કેરલામાં 15, મધ્યપ્રદેશમાં 09, મહારાષ્ટ્રમાં 62, ઓડીશામાં 04, પંજાબમાં 02, રાજસ્થાનમાં 21, તમિલનાડુમાં 42, તેલંગાણામાં 30, ઉત્તરપ્રદેશમાં 31, ઉત્તરાખંડમાં 02, પશ્ચિમ બંગાળમાં 15, અંદામાનમાં 01, પોંડીચેરીમાં 01, સિક્કિમમાં 01 મળી 428 ફરિયાદોમાં 460 કરોડથી વધુની છેતરપિંડી થઈ હોવાનું તપાસમાં સામે આવ્યું છે.

આરોપીઓનું નામ

1.રામાભાઇ લાલજીભાઇ પંડ્યા રહે.થરાદ (બેંક ખાતા સપ્લાયર)

2.દર્શનકુમાર હરેશભાઇ પુરોહિત રહે.થરાદ (ખાતાધારક)

3.અમરતભાઇ હમીરભાઇ જોષી રહે.ગમ-ભાખરી, થરાદ (બેંક ખાતા ચલાવનાર)

4.રઘુરામ ભુરાભાઇ પાંડવ રહે.ગામ-ભુરીયા, થરાદ (બેંક ખાતા ચલાવનાર)

26 કરોડના છેતરપિંડી કેસમાં ઊંઝાના બે શખ્સોની ધરપકડ

ઊંઝા તાલુકાના ઉનાવાના આનંદપુરાના રાજેશ ઉર્ફે કપિલ પ્રહલાદભાઈ ચૌધરી જેઓ એકાઉન્ટ ધારક તથા ચેક વિડ્રો કરનાર તેમજ ઉનાવાના ધમેન્દ્ર હર્ષદભાઈ રાવલ કે જેઓ એકાઉન્ટ ધારક તથા ચેક વિડ્રો કરનાર તેમજ આંગડીયા મારફતે રકમ સહ આરોપીને મોકલનાર હોવાના આરોપ હેઠળ ગાંધીનગર સાયબર ક્રાઈમ પોલીસે ધરપકડ કરી છે.

બંને શખ્સોએ બે મહિના ફરીયાદી સાથે અજાણ્યા ઈસમો દ્વારા વોટ્સએપ માધ્યમથી સંપર્ક કરી શેર-બજારમાં રોકાણ કરવા માટે નાણાકીય સેવા પ્રદાન કરતી કંપની FINALTO ની ખોટી વેબ પેજની લીંક મોકલી આપી રજિસ્ટ્રેશન કરાવી રોકાણ કરવા માટે અલગ-અલગ બેંક ખાતાઓની વિગતો મોકલી 500 ડોલરનુ રોકાણ કરાવી રોકાણ સામે 101 ડોલરનો નફો વર્ચ્યુયલ વોલેટમા બતાવી વિશ્વાસમાં લઈ અલગ-અલગ ચાર્જ પેટે 26.66 કરોડ પડાવી લઈ છેતરપીંડી કરી હતી.

બંને આરોપીઓ દ્વારા અલગ-અલગ બેંક એકાઉન્ટોમા રક્મ ડિપોઝીટ કરાવી ચેક વિડ્રો કરી રૂપિયા આંતરરાજ્ય અને આંતરરાષ્ટ્રીય સાયબર ક્રાઇમ મુખ્ય ગુનેગારોને મોકલી આપવામાં આવતા જે ખાતાઓમાં સાયબર ફ્રોડના નાણાં આંગડીયા મારફતે મુખ્ય ગુનેગારોને મોકલી આપી પોતાનુ કમીશન લઈ ગુનો આચરતા હતા. આરોપી રાજેશ ચૌધરી કે જેઓ દ્વારકેશ ટ્રેડીંગના પ્રોપરાઈટર છે.

જેના ગુનાના કામે વપરાયેલા TMB બેન્ક એકાઉન્ટોમાં ફ્રોડની કુલ રકમ ૧,૨૭,૭૮,૧૫૩ ડિપોઝીટ થયેલાના વ્યવહારો મળી આવ્યા છે. જ્યારે આરોપી ધર્મેન્દ્ર રાવલ કે જેઓ S S ENTERPRISE ના પ્રોપરાઈટર છે. જેના ગુના કામે વપરાયેલE TMB બેન્ક એકાઉન્ટમાં ફ્રોડની કુલ રકમ ૬૩,૪૧,૧૬૯ ડિપોઝિટ જમા થયેલા વ્યવહારો મળ્યા છે. આરોપીઓના મોબાઇલ ચેક કરતા 12 અલગ-અલગ બેન્ક એકાઉન્ટોની વિગતો મળી આવી હતી. જેની NCCRP પોર્ટલ પર તપાસ કરતાં ૮૭,૮૪,૬૦,૮૯૪ જંગી રકમની કુલ 128 ફરિયાદો નોંધાઈ છે.