ગુજરાતમાં ગેરકાયદેસર રીતે વસવાટ કરી રહેલા વિદેશી નાગરિકો સામે પોલીસે સકંજો કસ્યો છે. સુરત અને અમદાવાદમાં સતત દરોડા પાડીને શંકાસ્પદ ઘૂસણખોરોને ઝડપી પાડવાની ઝુંબેશ ચાલી રહી છે, ત્યારે આજે, 30 ઑક્ટોબરના રોજ, અમદાવાદના સોલા વિસ્તારમાંથી વધુ એક મોટો ઓપરેશન પાર પાડવામાં આવ્યો છે.
અમદાવાદ શહેરની સોલા પોલીસે ચોક્કસ બાતમીના આધારે કાર્યવાહી કરીને ભાડાના મકાનોમાં ગેરકાયદે વસવાટ કરતા 17 બાંગ્લાદેશી ઘૂસણખોરોની અટકાયત કરી છે.
ઝડપાયેલા આ 17 નાગરિકોમાં મોટાભાગે મહિલાઓનો સમાવેશ થાય છે. પોલીસે તમામની અટકાયત કરીને તેમની વિરુદ્ધ કાયદેસરની કાર્યવાહી શરૂ કરી છે.
ગુજરાતમાં ગેરકાયદેસર રીતે રહીને અસામાજિક ગતિવિધિઓ ન થાય તે સુનિશ્ચિત કરવા માટે પોલીસ સક્રિય છે. આ બાંગ્લાદેશી નાગરિકોને ઝડપી પાડ્યા બાદ, હવે તેમને તેમના દેશમાં પરત મોકલવાની કામગીરી હાથ ધરવામાં આવશે. પોલીસે આ દરોડા પાડીને શહેરમાં ઘૂસણખોરી કરીને રહેતા અન્ય લોકોને સ્પષ્ટ સંદેશ આપ્યો છે.

ગેરકાયદે રહેતા 17 બાંગ્લાદેશી ઝડપાયા

સોલા પોલીસે દરોડા પાડી ભાડાના મકાનોમાંથી મોટાભાગે મહિલાઓની કરી અટકાયત

October 30, 2025 | 23:11 IST