એજ્યુકેશન ટેક જાયન્ટ&nbsp;BYJU'sના ફાઉન્ડર બાયજુ રવીન્દ્રનને અમેરિકાની કોર્ટમાંથી મોટો ફટકો પડ્યો છે. USની ડેલવેર બેન્કરપ્સી કોર્ટે BYJU's Alphaને&nbsp; $1 બિલિયન (અંદાજે ₹8,946 કરોડ)થી વધુની રકમ ચૂકવવા માટે જવાબદાર દાવો કર્યો છે. US સ્થિત લેન્ડર GLAS ટ્રસ્ટ કંપની LLC દ્વારા દાખલ કરાયેલી અરજીના આધારે રવીન્દ્રનને અંગત રીતે ડિફોલ્ટ જજમેન્ટ આપ્યો છે
BYJU's Alpha અને US સ્થિત લેન્ડર GLAS ટ્રસ્ટ કંપની LLC દ્વારા દાખલ કરાયેલી અરજીના આધારે રવીન્દ્રનને અંગત રીતે $1 બિલિયન (અંદાજે ₹8,946 કરોડ)થી વધુની રકમ ચૂકવવા માટે જવાબદાર દાવો કરતો ડિફોલ્ટ જજમેન્ટ આપ્યો છે.
કોર્ટના આદેશોનું પાલન ન કરતા ફટકો&nbsp;
20 નવેમ્બર, 2025ના રોજ જાહેર કરાયેલા ચુકાદા અનુસાર, કોર્ટે નોંધ્યું હતું કે રવીન્દ્રન ડિસ્કવરી ઓર્ડર (તપાસ માટે દસ્તાવેજો રજૂ કરવાના આદેશ)નું પાલન કરવામાં નિષ્ફળ રહ્યા છે અને સતત અવગણના કરી રહ્યા છે.
જજમેન્ટમાં કહેવામાં આવ્યું છે કે, "કોર્ટ પ્રતિવાદી રવીન્દ્રન વિરુદ્ધ કાઉન્ટમાં $5,33,000,000 અને કાઉન્ટ II, V અને VIમાં $540,649,109.29ની રકમનું ડિફોલ્ટ જજમેન્ટ દાખલ કરશે." આ કુલ રકમ $1.07 બિલિયનથી વધુ થાય છે.
કોર્ટે સ્પષ્ટ નિર્દેશ આપ્યો છે કે રવીન્દ્રને આલ્ફા ફંડ્સ અને તેની આવક, તેમજ તેના દરેક અનુગામી ટ્રાન્સફરનો સંપૂર્ણ અને સચોટ હિસાબ આપવો પડશે.
ગાયબ $533 મિલિયનની સમગ્ર ઘટના
આ વિવાદ Think and Learn Private Limited (TLPL) દ્વારા સુરક્ષિત કરાયેલી $1 બિલિયન ટર્મ લોન B સાથે સંબંધિત છે. લેન્ડર્સે આરોપ મૂક્યો હતો કે BYJU's Alphaએ લોનની શરતોનું ઉલ્લંઘન કર્યું છે અને કુલ દેવામાંથી $533 મિલિયનની રકમ ગેરકાયદેસર રીતે યુએસની બહાર ખસેડવામાં આવી છે.
કોર્ટે નોંધ્યું હતું કે રવીન્દ્રનની વર્તણૂક "ડિસ્કવરીનું પાલન કરવામાં ઇરાદાપૂર્વકની નિષ્ફળતાની વ્યૂહાત્મક પેટર્ન" રહી છે. અગાઉ કોર્ટે અવમાનના બદલ દરરોજ $10,000નો દંડ પણ લગાવ્યો હતો, પરંતુ તે પણ ચૂકવવામાં આવ્યો ન હતો. આ દંડ બિનઅસરકારક સાબિત થતાં, કોર્ટે આ કિસ્સામાં ડિફોલ્ટ જજમેન્ટ જેવી આકરા પગલાં લેવા યોગ્ય ગણ્યા.
BYJU's ના મેનેજમેન્ટ પર દબાણ વધ્યું
આ ચુકાદો રવીન્દ્રન અને BYJU's ના મેનેજમેન્ટ પર દબાણ વધારનારો છે, જેઓ પહેલેથી જ નાણાકીય અને કાનૂની સંઘર્ષોનો સામનો કરી રહ્યા છે. જોકે આ ચુકાદા બાદ&nbsp;BYJU's ના અધિકૃત પ્રતિનિધિ તરફથી કોઈ તાત્કાલિક પ્રતિક્રિયા મળી નથી.&nbsp;

BYJU'sને $1 બિલિયન ચૂકવવાનો US કોર્ટનો આદેશ

લોન પેટેના $533 મિલિયન ગાયબ થવાનો કેસ અને કોર્ટના આદેશનું પાલન ન કરવું ભારે પડ્યું

November 22, 2025 | 19:30 IST