ભારતમાં સૂક્ષ્મ, લઘુ અને મધ્યમ ઉદ્યોગ (MSME) ક્ષેત્રે એક મોટી સિદ્ધિ હાંસલ કરી છે. MSME મંત્રાલયના ઉદ્યમ પોર્ટલ પર હવે 6.9 કરોડથી વધુ MSMEની નોંધણી થઈ ચૂકી છે, જે દેશભરમાં આશરે 30 કરોડ લોકોને રોજગાર પ્રદાન કરી રહ્યું છે. MSME મંત્રાલયના વધારાના સચિવ ડૉ. રજનીશે જણાવ્યું કે મંત્રાલયનું લક્ષ્ય આગામી 4થી 5 વર્ષમાં આ ઇકોસિસ્ટમમાં વધારાના 4 કરોડ MSME ઉમેરવાનું છે.
શું છે ઉદ્યમ પોર્ટલ ?&nbsp;
ઉદ્યમ પોર્ટલએ ભારત સરકારના MSME મંત્રાલય દ્વારા શરૂ કરાયેલું એક ઓનલાઈન રજિસ્ટ્રેશન પ્લેટફોર્મ છે. આ પ્લેટફોર્મ પર MSME યુનિટ્સ (સૂક્ષ્મ, લઘુ અને મધ્યમ ઉદ્યોગો) સરળતાથી અને નિઃશુલ્ક પોતાનું રજિસ્ટ્રેશન કરાવી શકે છે. એકવાર રજિસ્ટ્રેશન થયા પછી યુનિટને એક અનન્ય 'ઉદ્યમ રજિસ્ટ્રેશન સર્ટિફિકેટ' અને નંબર મળે છે. આ પોર્ટલનો મુખ્ય હેતુ MSMEને ઓળખ આપીને તેમને સરકારી યોજનાઓ, બેંક લોન અને અન્ય લાભો સરળતાથી મેળવવામાં મદદ કરવાનો છે, જે ભારતમાં વ્યવસાય કરવાની સરળતામાં વધારો કરે છે.&nbsp;
MSME: ભારતનું રોજગાર સર્જનનું એન્જિન
સીએમએસએમઇ શિખર સંમેલન 2025(FICCI CMSME Summit 2025)ની 11મી આવૃત્તિને સંબોધતા, ડૉ. રજનીશે MSME ક્ષેત્રને ભારતના સમાવેશક વિકાસ&nbsp;અને રોજગાર સર્જનના સાચા એન્જિન ગણાવ્યા હતા. તેમણે ભારપૂર્વક જણાવ્યું કે એપ્રિલ 2023માં ઉદ્યમ પોર્ટલ પર MSMEની સંખ્યા લગભગ 1.6 કરોડ હતી, જે હવે વધીને 6.9 કરોડને વટાવી ગઈ છે.
ડૉ. રજનીશે રેખાંકિત કર્યું કે MSME ને ભવિષ્ય માટે તૈયાર કરવા માટે ટેકનોલોજી, સ્થિરતા,&nbsp;સ્પર્ધાત્મકતા અને ધિરાણ&nbsp;સુધીની પહોંચ જેવા મહત્ત્વપૂર્ણ મુદ્દાઓ પર ધ્યાન કેન્દ્રિત કરવું જરૂરી છે. તેમણે ઉમેર્યું કે MSME ટિયર 2, 3, 4 અને 5 શહેરોમાં ફેલાયેલા છે, જે ભારતની મજબૂત અને ભૌગોલિક રીતે સમાવેશક વિકાસ ગાથાની કરોડરજ્જુ બની ગયા છે.
કેન્દ્ર સરકાર MSMEને પ્રોત્સાહન આપવા માટે અનેક યોજનાઓ ચલાવી રહી છે, જેના દ્વારા લાખો ઉદ્યોગો લોન લઈને પ્રગતિના પંથે આગળ વધી રહ્યા છે. આ આંકડાઓ ભારતના અર્થતંત્રમાં MSME ક્ષેત્રના વધતા પ્રભાવ અને તેની ક્ષમતાને સ્પષ્ટપણે દર્શાવે છે.

ઉદ્યમ પોર્ટલ પર 6.9 કરોડ MSME રજિસ્ટર

દેશમાં 30 કરોડ લોકોને MSME સેક્ટરમાં રોજગારી, આગામી વર્ષમાં વધુ MSME ઉમેરવાનો લક્ષ્યાંક

October 9, 2025 | 20:30 IST