બજેટમાં કરદાતાઓને મળશે 10 લાખ રુપિયાની કરમુક્તિ..?

સામાન્ય બજેટ રજૂ થવા માટે હવે થોડા જ દિવસો બાકી છે. 1 ફેબ્રુઆરીના રોજ નાણામંત્રી નિર્મલા સીતારમણ દેશનું સામાન્ય બજેટ રજૂ કરશે. કરદાતાઓને પણ આ બજેટથી ઘણી અપેક્ષાઓ છે. કરદાતાઓ લાંબા સમયથી કરમુક્ત આવક વધારવાની માંગ કરી રહ્યા છે. જે રીતે ફુગાવો વધી રહ્યો છે તે રીતે કરમુક્ત આવકનો વ્યાપ વધારવામાં આવ્યો નથી. હાલમાં, તમારી 7.75 લાખ રૂપિયા સુધીની આવક સંપૂર્ણપણે કરમુક્ત છે. લોકોની માંગ છે કે બજેટમાં કરમુક્ત આવક વધારીને 10 લાખ રૂપિયા કરવામાં આવે.

 20 લાખ રૂપિયા સુધીની કમાણી કરનારાઓને ટેક્સમાં રાહતની અપેક્ષા છે

આશા છે કે સરકાર 20 લાખ રૂપિયા સુધીની કમાણી કરનારાઓને કર રાહત આપી શકે છે. આ માટે, 2 વિકલ્પો પર વિચારણા ચાલી રહી છે. સૌ પ્રથમ,  10 લાખ રૂપિયા સુધીની આવક કરમુક્ત કરવી જોઈએ. બીજો વિકલ્પ એ છે કે 15 થી 20 લાખ રૂપિયાની આવક ધરાવતા લોકો માટે 25% નો નવો ટેક્સ સ્લેબ રજૂ કરવામાં આવે. આ મુક્તિ ફક્ત તે લોકોને જ મળશે જેઓ નવી કર વ્યવસ્થા પસંદ કરશે. હાલમાં, 75000 રૂપિયાના સ્ટાન્ડર્ડ ડિડક્શન સાથે 7.75 લાખ રૂપિયા સુધીની આવક પર કોઈ ટેક્સ નથી. આ ઉપરાંત, 15 લાખ રૂપિયાથી વધુની આવક પર 30% ટેક્સ લાગે છે.

1 લાખ કરોડ રૂપિયાની આવકનું નુકસાન થશે

જો કેન્દ્ર સરકાર કરદાતાઓને આ રાહત આપે છે, તો સરકારને 50 હજાર કરોડ રૂપિયાથી 1 લાખ કરોડ રૂપિયાનું મહેસૂલ નુકસાન થશે. મોદી સરકારે વર્ષ 2023ના બજેટમાં કરદાતાઓને આવકવેરામાં રાહત પણ આપી હતી. તે સમયે, નવી કર વ્યવસ્થા પસંદ કરનારાઓ માટે કલમ 87A હેઠળ કર મુક્તિ વધારીને રૂ. 7 લાખ કરવામાં આવી હતી.

વપરાશ વધશે

નિષ્ણાતોના મતે, જો સરકાર વપરાશ વધારીને GDP વૃદ્ધિ વધારવા માંગતી હોય, તો તેણે આવકવેરામાં રાહત આપવી જોઈએ. સરકારે 15 થી 20 લાખ રૂપિયાની આવક પર 25% નો ટેક્સ સ્લેબ લાવવો જોઈએ. આનાથી લોકો પાસે વધુ પૈસા રહેશે, જેનાથી વપરાશ વધશે.