નવા વર્ષના પ્રથમ ટ્રેડિગ દિવસે જ શેરબજાર ધડામ!, સેન્સેક્સ-નિફ્ટીમાં જોરદાર કડાકો

આજે સેન્સેક્સમાં 1,000 પોઈન્ટથી વધુનો ઘટાડો જોવા મળી રહ્યો છે. 78 હજાર 700 પર ટ્રેડ થઈ રહ્યો છે. નિફ્ટી પણ 350 પોઈન્ટ્સથી વધુ નીચે છે, તે 24 હજારની નીચે ટ્રેડ કરી રહ્યો છે.   રિયલ્ટી અને કન્ઝ્યુમર ડ્યુરેબલ ઈન્ડેક્સમાં પણ 2% થી વધુનો ઘટાડો જોવા મળી રહ્યો છે. તે જ સમયે, બેંક, ઓટો, આઈટી, મેટલ અને રિયલ્ટી ઈન્ડેક્સમાં અડધા ટકાથી વધુનો ઘટાડો જોવા મળી રહ્યો છે.   એશિયન માર્કેટમાં, જાપાનનો નિક્કી આજે બંધ છે, કોરિયાનો કોસ્પી 1.50% વધીને 2,580 પર છે, જ્યારે ચીનનો શાંઘાઈ કમ્પોઝિટ 0.50% વધીને 3,289 પર છે. NSEના ડેટા અનુસાર, વિદેશી રોકાણકારો (FII) એ નવેમ્બર 1 ના રોજ ₹211.93 કરોડના શેર વેચ્યા હતા. આ સમયગાળા દરમિયાન સ્થાનિક રોકાણકારો (DII) એ પણ ₹1377.33 કરોડના શેર વેચ્યા હતા. બજાર ઘટીને 23,500ના સ્તરે આવી શકે છે   નિષ્ણાતોના મતે નિફ્ટી 24,000-24,500ની રેન્જમાં કોન્સોલિડેટ થઈ રહ્યો છે. દિવાળીના અવસરે 1 નવેમ્બરના રોજ શેરબજારમાં એક કલાકના મુહૂર્તનું ટ્રેડિંગ થયું હતું. સેન્સેક્સ 335 પોઈન્ટના વધારા સાથે 79,724 પર બંધ રહ્યો હતો. તે જ સમયે નિફ્ટીમાં 99 પોઇન્ટનો ઉછાળો આવ્યો હતો અને તે 24,304 પર બંધ રહ્યો હતો.   ટ્રેડિંગ પછી સેન્સેક્સના તમામ 30 શેરોમાંથી, 26 ઉપર હતા, જ્યારે 4 ડાઉન હતા. તે જ સમયે, નિફ્ટીના 50માંથી 42 શેરોમાં વધારો જોવા મળ્યો હતો અને માત્ર 8 શેરોમાં વધારો જોવા મળ્યો હતો.