મધ્યમ વર્ગને મળી મોટી રાહત, રેપો રેટમાં ઘટાડો

RBI એ ફરી એકવાર રેપો રેટમાં ઘટાડો કરવાની જાહેરાત કરી છે. આરબીઆઈ ગવર્નરે જણાવ્યું હતું કે નાણાકીય નીતિ સમિતિએ સર્વાનુમતે રેપો રેટ 0.25 ટકા ઘટાડીને 6 ટકા કરવાનો નિર્ણય લીધો છે. પહેલાં રેપો રેટ 6.50% હતો. એટલે કે,આગામી દિવસોમાં લોન સસ્તી થઈ શકે છે. તમારો EMI પણ ઘટશે

હોમ લોનથી લઈને કાર લોન સુધી, બધું જ હવે સસ્તું થશે. RBI એ ફરી એકવાર રેપો રેટમાં ઘટાડો કરવાની જાહેરાત કરી છે. આરબીઆઈ ગવર્નરે જણાવ્યું હતું કે નાણાકીય નીતિ સમિતિએ સર્વાનુમતે રેપો રેટ 0.25 ટકા ઘટાડીને 6 ટકા કરવાનો નિર્ણય લીધો છે.

ચાલુ નાણાકીય વર્ષની પ્રથમ દ્વિમાસિક નાણાકીય નીતિ સમીક્ષા રજૂ કરતા, RBI ગવર્નર સંજય મલ્હોત્રાએ જણાવ્યું હતું કે આ સાથે MPC એ તેના વલણને 'તટસ્થ' થી 'સહનશીલ' બનાવવાનો નિર્ણય લીધો છે. આનો અર્થ એ થયો કે આગામી સમયમાં, પોલિસી રેટના સંદર્ભમાં યથાસ્થિતિ જાળવી રાખવામાં આવશે અથવા જરૂર પડ્યે તેમાં ઘટાડો કરવામાં આવશે.

રેપો એ વ્યાજ દર છે જેના પર વાણિજ્યિક બેંકો તેમની તાત્કાલિક જરૂરિયાતો પૂરી કરવા માટે કેન્દ્રીય બેંક પાસેથી નાણાં ઉધાર લે છે. આરબીઆઈ આ દરનો ઉપયોગ ફુગાવાને નિયંત્રિત કરવા માટે કરે છે. રેપો રેટમાં ઘટાડાનો અર્થ એ છે કે ઘર અને વાહન લોન સહિત વિવિધ લોન પર માસિક હપ્તા (EMI) ઘટવાની અપેક્ષા છે.

ઉલ્લેખનીય છે કે આ વર્ષે ફેબ્રુઆરીમાં નાણાકીય નીતિ સમીક્ષામાં આરબીઆઈએ રેપો રેટ 0.25 ટકા ઘટાડીને 6.25 ટકા કર્યો હતો. મે, 2020 પછી આ પહેલો કાપ હતો અને અઢી વર્ષ પછી પહેલો સુધારો હતો.

RBI એ 2025-26 માટે આર્થિક વિકાસ દરનો અંદાજ 6.7 ટકાથી ઘટાડીને 6.5 ટકા કર્યો છે. ચાલુ નાણાકીય વર્ષમાં છૂટક ફુગાવો ચાર ટકા રહેવાનો અંદાજ છે.