ગુજરાતમાં 7 મહિનામાં પાઇપ્ડ નેચરલ ગેસના કનેક્શન 1.75 લાખ વધ્યાં
જુલાઇ-2023 30.78 લાખ હતા, તેમાં વધારો થઈને ફેબ્રુઆરી-2024 સુધીમાં 32.53 લાખ થયા
Piped natural gas connections increased by 1.75 lakh in 7 months in Gujarat
બિઝનેસ
- Updated 809 days ago
વર્ષ 2070 સુધીમાં દેશના કાર્બન ઉત્સર્જનને નેટ ઝીરો કરવાના પ્રયાસમાં ગુજરાતની સક્રિય ભાગીદારી રહી છે.
નેચરલ ગેસના ઉપયોગને પ્રોત્સાહન આપવામાં આવતાં ગુજરાતમાં પાઇપ્ડ નેચરલ ગેસ કનેક્શનની (PNG) સંખ્યા વધી રહી છે. કેન્દ્રીય પેટ્રોલિયમ અને કુદરતી ગેસ મંત્રાલયના પેટ્રોલિયમ પ્લાનિંગ એન્ડ એનાલિસિસ સેલે રજૂ કરેલા આંકડા અનુસાર ઓગસ્ટ-2023થી ફેબ્રુઆરી 2024 સુધીમાં ગુજરાતમાં PNG કનેક્શનમાં 1.75 લાખનો વધારો થયો છે.
જુલાઇ-2023 સુધીમાં ગુજરાતમાં ડોમેસ્ટિક PNG કનેક્શનની સંખ્યા 30,78,162 હતી. જે વધીને ફેબ્રુઆરી-2024માં 32,53,175 થઈ ગયા છે. સાત મહિનામાં 5.6 ટકાના વધારા સાથે 1,75,013 કનેક્શનનો વધારો થયો છે. વ્યવસાયિક તેમજ ઔદ્યોગિક PNG કનેક્શનની સંખ્યામાં પણ ગુજરાત દેશમાં ટોપ ઉપર છે.
રાજ્યમાં અત્યારે 23,445 વ્યવસાયિક અને 5786 ઔદ્યોગિક PNG કનેક્શન છે. ઔદ્યોગિક PNG કનેક્શનની વાત કરીએ તો ગુજરાતમાં 5786, ઉત્તરપ્રદેશમાં 3270, હરિયાણામાં 2259, દિલ્હીમાં 1910 અને રાજસ્થાનમાં 1691 છે.
જ્યારે વ્યવસાયિક PNG કનેક્શનની વાત કરીએ તો ગુજરાતમાં 23,445, મહારાષ્ટ્રમાં 4817, દિલ્હીમાં 3965, ઉત્તરપ્રદેશમાં 2644 અને આસામમાં 1391 છે.
ગુજરાતના તમામ જિલ્લાઓમાં PNG નેટવર્ક :
ગુજરાતના તમામ જિલ્લાઓમાં PNG નેટવર્ક પહોંચ્યુ છે. ગુજરાત સરકારના જાહેર ક્ષેત્રના એકમ ગુજરાત સ્ટેટ પેટ્રોલિયમ કોર્પોરેશન (GSPC) હસ્તકની ગુજરાત ગેસ લિમિટેડના (GGL) પાઇપલાઇન નેટવર્કમાં છેલ્લા 10 વર્ષમાં 158 ટકાનો વધારો થયો છે.
માર્ચ-2014માં GGLનું નેટવર્ક 13,517 કિલોમીટર હતું જે માર્ચ-2024માં વધીને 34,832 કિલોમીટર સુધી પહોંચી ગયુ છે.
સુરેશ વણોલ
અનુભવ: 24 વર્ષ
પત્રકાર
સુરેશ વણોલ પાસે સિનિયર રિપોર્ટર તરીકે 24 વર્ષ સુધી ઈલેક્ટ્રોનિક, પ્રિન્ટ અને ડિજિટલ મીડિયાનો બહોળો અનુભવ છે. ઈ ટીવી ગુજરાતી, વી ટીવી ગુજરાતી અને Tv9 ગુજરાતીમાં સિનિયર રિપોર્ટર તરીકે કામગીરી કરી છે. જ્યારે નવ ગુજરાત સમય, સંદેશ, દિવ્ય ભાસ્કર અને ગુજરાત સમાચાર જેવા અખબારોમાં ફરજ બજાવી છે. જ્યારે બેનિફિટ ન્યૂઝમાં છેલ્લા 2 વર્ષથી ડિજિટલ મીડિયામાં કાર્યરત છે.
અમારા WhatsApp ચેનલ સાથે જોડાઓ
તાજા અપડેટ્સ મેળવો સીધા તમારા WhatsApp પર
📰 Related News You Might Like
બિઝનેસ
શેરબજારના નફા પર ટેક્સ બંધ થશે? નાણામંત્રીના નિવેદનથી રોકાણકારોમાં ચર્ચા તેજ
શેરબજારના LTCG ટેક્સમાં રાહત મળશે? નાણામંત્રી નિર્મલા સીતારમણના નિવેદન અને SBI રિસર્ચની ભલામણ વચ્ચે જાણો LTCG- STCG ટેક્સના દર, ₹4 લાખના નફા પર કેટલો ટેક્સ ભરવો પડશે અને રોકાણકારો ટેક્સની જવાબદારી કેવી રીતે ઘટાડી શકે.
14 ઑક્ટોબર2 મિનિટ
બિઝનેસ
UPI પેમેન્ટ પર ચાર્જનો નિર્ણય મુલતવી! દિવાળી પહેલાં વેપારીઓને મોટી રાહત
₹2,000થી વધુના UPI પેમેન્ટ પર લાગવાનો હતો ચાર્જ, પણ દિવાળી પહેલાં જ નિર્ણય બદલાયો! હવે નવો ચાર્જ ક્યારથી લાગશે?
13 ઑક્ટોબર2 મિનિટ
બિઝનેસ
ચીન-રશિયા વચ્ચે ભારત પર IMFનો વધ્યો ભરોસો! 7% ગ્રોથ પાછળનું કારણ શું? Copy Headline
IMFએ નાણાકીય વર્ષ 2026-27 માટે ભારતના GDP ગ્રોથનો અંદાજ 6.4%થી વધારીને 7% કર્યો છે. મજબૂત સ્થાનિક માંગ અને સેવા ક્ષેત્રની તેજી વચ્ચે 2027-28માં પણ 7% વૃદ્ધિની આગાહી કરવામાં આવી છે. બીજી તરફ, ચીન, રશિયા અને બ્રાઝિલના આર્થિક વિકાસના અંદાજમાં નરમાઈ જોવા મળી છે.
13 ઑક્ટોબર3 મિનિટ