2025ના તહેવારોની મોસમ દરમિયાન FMCG ઓફલાઇન સ્ટોર્સમાં નોંધપાત્ર વધારો જોવા મળી રહ્યો છે, જેનું મુખ્ય કારણ ગ્રાહકોની સંખ્યામાં વધારો, ભારે પ્રોડક્ટ પ્રમોશન અને સ્ટોરમાં ખરીદીનું વાતાવરણ છે. 
ડેટા દર્શાવે છે કે, ખાસ કરીને દિવાળી જેવા મુખ્ય તહેવારોની આસપાસ, એકંદર વેચાણ રેકોર્ડ ઊંચાઈએ પહોંચ્યું અને પેકેજ્ડ કોમોડિટીઝ આ ગતિનો મોટો હિસ્સો ધરાવે છે.
આ સમયગાળા દરમિયાન, FMCG ઓફલાઇન સ્ટોર્સે વધેલી માંગનો લાભ લેવા માટે ઘણી વ્યૂહરચના અપનાવી. જેમાં વિશિષ્ટ ફેસ્ટીવ-થીમ આધારિત ઑફર્સ, લોન્ચ કરવા અને આકર્ષક ડિસ્કાઉન્ટ પર ઉત્પાદનોનું બંડલિંગ કરવું ઉપરાંત ઉજવણીના મૂડને અનુરૂપ ઇન-સ્ટોર અનુભવો જેમ કે ડેકોરેટીવ ડિસ્પ્લે અને પર્સનલ ગ્રાહક સેવા ક્યુરેટ કરવા જેવી બાબતો પર ધ્યાન મુકવું તે છે.
કન્ફેડરેશન ઓફ ઓલ ઇન્ડિયા ટ્રેડર્સે અહેવાલ આપ્યો છે કે FMCG સહિત ભારતના ઑફલાઇન રિટેલ ક્ષેત્રમાં દિવાળી દરમિયાન રૂ. 1.25 લાખ કરોડનો વ્યવસાય થયો હતો, જે ઓછામાં ઓછા એક દાયકામાં સૌથી વધુ છે. આ સમયગાળા દરમિયાન પેકેજ્ડ FMCG માલનું ઓફલાઇન વેચાણ રૂ. 15,000 કરોડને વટાવી ગયું, જે બહોળું પુનરાગમન દર્શાવે છે કારણ કે કોવિડ રોગચાળા પછી ગ્રાહકોનો વિશ્વાસ સુધર્યો અને વ્યક્તિગત ખરીદી ફરીથી એક પસંદગીની ઉત્સવની પ્રવૃત્તિ બની.
ઘણી FMCG બ્રાન્ડ્સ ખાસ કરીને પેકેજ્ડ ફૂડ ઉત્પાદકોએ શરૂઆતના તહેવારો સાથે જોડાયેલા ખાસ પેક રજૂ કર્યા જે મજબુત ફેસ્ટીવ ઝુંબેશની મોસમની શરૂઆતનો સંકેત આપે છે. છૂટક વેપારીઓએ પાછલા વર્ષોની તુલનામાં 30-50% વધુ ડિસ્કાઉન્ટનું આયોજન કરીને અને અપેક્ષિત ધસારાને પહોંચી વળવા માટે ઉત્સવ સ્ટોકને આગળ વધારીને પુનર્જીવિત વિવેકાધીન ખર્ચના પ્રારંભિક સંકેતોનો જવાબ આપ્યો.
આ તહેવારની મોસમમાં ઑફલાઇન FMCG સ્ટોર્સને અલગ પાડવામાં મદદ કરનારા મુખ્ય ફાયદાઓમાં શામેલ છે, તાત્કાલિક ઉત્પાદન ઉપલબ્ધતા, ખરીદદારોને જરૂર મુજબ ગીફટસ અને કરિયાણા ખરીદવાની મંજૂરી આપે છે ખાસ કરીને છેલ્લી ઘડીની ખરીદી માટે હાથવગુ બની રહે છે. જુલાઈની શરૂઆતથી શરૂ થતી વિસ્તૃત વેચાણ ઇવેન્ટ્સ સહિત, ઓનલાઈન પ્લેટફોર્મ સાથે સ્પર્ધા કરવા માટે રચાયેલ આક્રમક ભાવ-મેચિંગ અને પ્રમોશનલ ઝુંબેશ છે.
આ અભિગમના પરિણામે બેવડા ફાયદા થયા છે જેમ કે, ઑફલાઇન રિટેલે પાછલા વર્ષો કરતાં ગુમાવેલી જમીન પાછી મેળવી, પરંતુ તેણે અપેક્ષાઓ કરતાં પણ વધુ સારું પ્રદર્શન કર્યું, પેકેજ્ડ કોમોડિટી વેચાણ અને ઑફલાઇન જ્વેલરીની ખરીદી બંનેમાં વધારો થયો છે.
ટૂંકમાં, તહેવારોના સીઝનલ પ્રમોશન, ગ્રાહક અનુભવોમાં વધારો અને વ્યૂહાત્મક ઇન્વેન્ટરી મેનેજમેન્ટના સંયોજન દ્વારા, FMCG ઑફલાઇન સ્ટોર્સે આવક વધારવા અને વિકસતા રિટેલ લેન્ડસ્કેપમાં તેમની સુસંગતતા પુનઃસ્થાપિત કરવા માટે 2025 ના તહેવારોના સમયગાળાનો સફળતાપૂર્વક ઉપયોગ કર્યો છે.
&nbsp;

ઓફલાઈન FMCG સ્ટોર્સનું પ્રભુત્વ

ફેસ્ટીવ ઑફર્સ અને ઇન-સ્ટોર અનુભવથી FMCGનું વેચાણ બમણું, બનાવ્યો દાયકાનો રેકોર્ડ

August 11, 2025 | 17:26 IST