જાણો રતન ટાટાના જીવનની અજાણી વાતો

વિશ્વવિખ્યાત ઉદ્યોગપતિ અને ટાટા સન્સના માનદ અધ્યક્ષ (ચેરમેન) રતન તાતાનું બુધવારે 9 ઑક્ટોબરના રોજ 86 વર્ષની વયે નિધન થઈ ગયું છે. ઉંમર સંબંધિત મુશ્કેલીઓને કારણે રતન તાતાને થોડાક દિવસ પહેલા મુંબઈની બ્રીચ કેન્ડી હૉસ્પિટલમાં દાખલ કરાવવામાં આવ્યા હતા. સન્માનિત અને અગ્રણી ઉદ્યોગપતિ રતન તાતાને ભારત સહિત આખા વિશ્વમાં પરોપકારી કાર્યો માટ ઓળખવામાં આવે છે. એ વાત બધા જ જાણે છે કે રતન તાતાએ ક્યારેય લગ્ન કર્યા નહોતા....સવાલ દરેકના મનમાં થઈ રહ્યો છે કે કરોડોની સંપતિના માલિક આખરે લગ્ન વિનાના કેમ?

રતન તાતાનો જન્મ 1937માં થયો હતો. તેઓ 1962માં તાતા ગ્રુપમાં જોડાયા હતા. 1991માં તેમને તાતા સન્સના ચૅરમેન નિયુક્ત કરવામાં આવ્યા હતા. ભારત સરકાર દ્વારા રતન તાતાને દેશના સૌથી મોટા સન્માન પદ્મ વિભૂષણ અને પદ્મ ભૂષણથી સન્માનિત કરવામાં આવ્યા હતા. આ સન્માન તેમને રાષ્ટ્ર નિર્માણમાં તેમના અતુલ્ય યોગદાન માટે આપવામાં આવ્યું હતું.

રતન ટાટા સન્સના ચૅરમેન તરીકે માર્ચ 1991થી ડિસેમ્બર 2012 સુધી ટાટા સમૂહનું નેતૃત્વ કર્યું. વિદેશમાંથી ભણીને આવ્યા બાદ રતન ટાટા પહેલીવાર ટાટા ગ્રુપ ઑફ ઇન્ડસ્ટ્રીઝ સાથે અસિસ્ટન્ટ તરીકે સામેલ થયા હતા. ત્યાર બાદ તેમણે કેટલાક મહિનાઓ સુધી જમશેદપુરમાં ટાટાના પ્લાન્ટમાં ટ્રેનિંગ લીધી હતી. ટ્રેનિંગ પૂરી કરવાની સાથે જ રતન ટાટાએ પોતાની જવાબદારીઓ સંભાળવાનું શરૂ કરી દીધું હતું. વર્ષ 2008માં રતન ટાટાને ભારત સરકાર દ્વારા દેશના બીજા સૌથી મોટા નાગરિક સન્માન પદ્મ વિભૂષણથી સન્માનિત કરવામાં આવ્યા હતા.

નોંધનીય છે કે 1991માં રતન ટાટાને ઓટોથી લઈને ટાટા સ્ટીલ સુધીના બિઝનેસ સાથે સંકળાયેલા ટાટા ગ્રુપના ચેરમેન બનાવવામાં આવ્યા હતા. ચેરમેન બન્યા બાદ રતન ટાટાએ ટાટા ગ્રુપને એક નવી ઉંચાઈ પર લઈ ગયા. તેમણે જૂથનું નેતૃત્વ કર્યું, જેની સ્થાપના તેમના પરદાદા દ્વારા એક સદી પહેલા, 2012 સુધી કરવામાં આવી હતી. 1996માં, ટાટાએ ટેલિકૉમ કંપની ટાટા ટેલિસર્વિસિસની સ્થાપના કરી અને 2004 માં, ટાટા કન્સલ્ટન્સી સર્વિસિસ (TCS) બજારમાં સૂચિબદ્ધ થઈ.

જાણીને આશ્ચર્ય થશે કે દેશના સૌથી મોટા ઉદ્યોગપતિ રતન તાતાના લગ્ન  નહોતા થયા. જ્યારે તેઓ લૉસ એન્જિલ્સમાં નોકરી કરી રહ્યા હતા ત્યારે રતન તાતાએ આ વાતની માહિતી પોતે જ આપી હતી કે ત્યારે તેમને પ્રેમ થયો હતો. તેમણે જણાવ્યું કે તે ત્યારે લગ્ન કરવાના જ હતા. લગ્ન ન થવાનું કારણ જણાવતા રતન તાતાએ કહ્યું કે તેમની દાદીની તબિયત તે સમયે ખૂબ જ બગડી હતી આથી તેમણે ભારત પાછા આવવું પડ્યું હતું.

રતન તાતાને આશા હતી કે તેમનો પ્રેમ પણ ભારત આવશે પણ એવું ન થયું. રતન તાતાએ જણાવ્યું હતું કે જ્યારે ભારત અને ચીન વચ્ચે વર્ષ 1962માં યુદ્ધ  થયું ત્યારે છોકરીના માતા-પિતા લગ્નના નિર્ણયથી સહમત થયા નહીં અને તેમનો સંબંધ તૂટી ગયો.

માન-સન્માન મળ્યું, ખ્યાતિ મળી, ઉંચાઈઓ સ્પર્શી અને પ્રેમ પણ થયો.બિઝનેસમેન રતન ટાટાને જીંદગીમાં બધું જ મળી ગયું હતું પરંતુ એક વસ્તુ એવી હતી. જે તેમને મળી નહિ તેને પ્રેમ થયો પરંતુ લગ્ન કરી શક્યા નહિ.

ત્યારબાદ તેમની લાઈફમાં બોલિવુડ અભિનેત્રીની એન્ટ્રી થઈ હતી. જેનું નામ સિમી ગરેવાલ હતુ.સિમી અને રતન ટાટા વચ્ચે સારા સંબંધો હતા. એક ઈન્ટરવ્યુમાં તેમણે આ વાતનો ખુલાસો કર્યો હતો કે, બંન્ને ખુબ લાંબો સમય સાથે પસાર કર્યો છે. બંન્ને લગ્ન કરવા માંગતા હતા પરંતુ આ કિસ્મતને મંજૂર ન હતી. અમુક કારણોસર તેમના પ્રેમને મંજિલ મળી ન હતી.

દેશના સૌથી મોટા બિઝનેસમેન રતન ટાટાના લગ્ન થયા ન હતા. તે કુંવારા હતા. એક વખત તેમણે ઈન્ટરવ્યુમાં ખુદ જણાવ્યું કે, 4 વખત લગ્ન કરવાનો પ્લાન બનાવ્યો હતો પરંતુ અમુક કારણોસર તેઓ લગ્ન કરી શક્યા ન હતા.