રોકાણકારો Hyundai IPO માં અપ્લાય કરીને પસ્તાયા, થયુ મોટુ નુકસાન

દેશના સૌથી મોટા IPO Hyundai Motor India ના શેરની શેરબજારમેં ધીમી શરુઆત થઈ છે. હ્યુન્ડાઈ મોટર ઇન્ડિયા લિમિટેડના લિસ્ટિંગ બાદ તેના શેરમાં ઘટાડો જોવા મળી રહ્યો હતો. મંગળવારે Hyundai મોટર્સના શેર લગભગ 1 ટકાના ડિસ્કાઉન્ટ સાથે બજારમાં લિસ્ટ થયા છે. આ પેસેન્જર વ્હીકલ મેન્યફેક્ચરિંગ કંપની બીએસઈ પર 1931 પર લિસ્ટેડ હતી. જે તેની 1960 ની ઇશ્યૂ કિમત કરતા 1.48 ટકા ઓછી છે. એ જ રીતે હયુન્ડાઈના શેર એનએસઈ પર 1934 પર લિસ્ટ થયા હતા, જે ઇશ્યૂ કિંમત કરતાં 1.33 ટકા ઓછા હતા.     દેશના સૌથી મોટા ગણાતા IPO ને ખૂબ જ ઠંડો પ્રતિસાદ મળ્યો હતો. આ ઈસ્યુ ત્રણ દિવસમાં માત્ર 2.37 ગણો સબસ્ક્રાઈબ થયો હતો. આમાં પણ રિટેલ રોકાણકારો દ્વારા ખૂબ જ ઓછા સબસ્ક્રિપ્શન હતા. આ IPO નું કદ 27,870 કરોડ રૂપિયા છે, જે ભારતીય શેર બજારમાં સૌથી મોટો IPO છે. તેને લાઈફ ઈન્સ્યોરન્સ કોર્પોરેશન ઓફ ઇન્ડિયાના રૂપિયા 21,000 કરોડના IPOને પાછળ છોડી દીધો છે. Hyundai Motor India IPO માટે પ્રાઈસ બેન્ડ 1,865- 1,960 રૂપિયા નક્કી કરવામાં આવી હતી.   શેરબજારના રોકાણકારોને લાગ્યો મોટો ફટકો   NSE ડેટા અનુસાર, IPO હેઠળ આશરે રૂપિયા 27,870 કરોડના કદ સાથે 9,97,69,810 શેરની ઓફર સામે 23,63,26,937 શેર માટે બિડ મળી હતી. ક્વોલિફાઈડ ઈન્સ્ટિટ્યૂશનલ બાયર્સ કેટેગરી 6.97 ગણી સબસ્ક્રાઈબ થઈ હતી, જ્યારે બિન-સંસ્થાકીય રોકાણકારોનો ક્વોટા 60 ટકા સબસ્ક્રાઈબ થયો હતો. રિટેલ રોકાણકારો માટે અનામત ક્વોટા માત્ર 50 ટકા સબસ્ક્રાઈબ થયો હતો. કંપનીએ IPO ખુલ્યા પહેલા મોટા રોકાણકારો પાસેથી રૂપિયા 8,315 કરોડ એકત્ર કર્યા હતા. કંપનીનો આ IPO 15-17 ઓક્ટોબર દરમિયાન રિટેલ રોકાણકારો માટે ખુલ્લો હતો.