ભારતીય રિઝર્વ બેન્કની મોનેટરી પોલિસી કમિટી (MPC)ની 3 દિવસીય બેઠક શરૂ થઈ ગઈ છે, જેનું પરિણામ 1 ઓક્ટોબરે જાહેર થશે. આ બેઠકમાં RBI દ્વારા રેપો રેટમાં ફેરફાર સહિતના અનેક નાણાકીય નીતિ વિષયક નિર્ણયો લેવામાં આવશે. અગાઉની MPC બેઠકમાં RBIએ રેપો રેટને 5.50% પર યથાવત રાખ્યો હતો. આ વખતે વ્યાજદરમાં ઘટાડો થશે કે નહિ, તે અંગે નિષ્ણાતો 2 મત ધરાવે છે, જેના કારણે મધ્યમ વર્ગમાં ઉત્સુકતા વધી છે. કેટલાક નિષ્ણાતોનું માનવું છે કે, વૈશ્વિક પરિબળો અને ફુગાવાના નીચા દરને જોતાં RBI રેપો રેટ યથાવત રાખશે, જ્યારે અન્ય કેટલાક નિષ્ણાતો ઘટાડાની શક્યતા દર્શાવી રહ્યા છે.
RBIનો રેપો રેટ યથાવત રાખે તેવી સંભાવના
IDFC ફર્સ્ટ બેન્કના રિપોર્ટ મુજબ, RBI રેપો રેટ યથાવત રાખે તેવી સંભાવના છે, કારણ કે ફુગાવો ઘટ્યો છે અને GSTના સુધારાથી માંગ પર સકારાત્મક અસર થઈ છે. નાણાકીય વર્ષના પ્રથમ 6 મહિનામાં GDP ગ્રોથ પણ અપેક્ષા કરતાં વધુ રહ્યો છે. બીજી તરફ, SBIના રિપોર્ટ મુજબ, ભારત-અમેરિકા વેપાર મંત્રણાની અનિશ્ચિતતા વચ્ચે GSTમાં થયેલા સુધારાએ માંગ અને વપરાશને વેગ આપ્યો છે.
આ પણ વાંચો:<a href="https://www.benefitnews24.com/gujarati/finance/former-rbi-governor-urjit-patel-becomes-ed-in-imf/18501" target="_blank" rel="noopener"> </a><a href="https://www.benefitnews24.com/gujarati/finance/former-rbi-governor-urjit-patel-becomes-ed-in-imf/18501" target="_blank" rel="noopener">પૂર્વ RBI ગવર્નર ઉર્જિત પટેલ IMFમાં ED બન્યા</a>
વ્યાજદરમાં ઘટાડો કરવો RBI માટે એક સારો વિકલ્પ સાબિત
SBIના ગ્રુપ ચીફ ઇકોનોમિક એડવાઇઝર ડૉ. સૌમ્ય કાંતિ ઘોષના જણાવ્યા અનુસાર, GSTમાં સુધારાને કારણે ફુગાવો 2004 પછીના તેના ઐતિહાસિક તળિયે પહોંચવાની શક્યતા છે, અને ઓક્ટોબરમાં તે 1.1%ની આસપાસ રહી શકે છે. આ પરિસ્થિતિમાં વ્યાજદરમાં ઘટાડો કરવો RBI માટે એક સારો વિકલ્પ સાબિત થઈ શકે છે.
વ્યાજદરમાં ઘટાડો થાય તો EMI ઘટવાની શક્યતા
ઉલ્લેખનીય છે કે, ચાલુ વર્ષની શરૂઆતથી અત્યાર સુધીમાં RBIએ રેપો રેટમાં કુલ ૧%નો ઘટાડો કર્યો છે, જેમાં ફેબ્રુઆરીમાં 0.25%, એપ્રિલમાં 0.25% અને જૂનમાં 0.50%નો ઘટાડો સામેલ છે. જો આ વખતે પણ વ્યાજદરમાં ઘટાડો થાય તો EMI ઘટવાની શક્યતા છે, જે મધ્યમ વર્ગ માટે એક મોટી રાહત બની શકે છે.&nbsp;
દરેકની નજર બેઠક પર
ફુગાવાનો દર નીચો રહેવાથી નાણાકીય સ્થિરતા જાળવવામાં મદદ મળશે, અને RBIના આ નિર્ણયની અસર સમગ્ર અર્થતંત્ર પર જોવા મળશે. આ બેઠકના પરિણામ પર સૌની નજર ટકેલી છે, કારણ કે, તે દેશના અર્થતંત્રની દિશા નક્કી કરવામાં મહત્ત્વનો ભાગ ભજવશે.

રિઝર્વ બેન્ક ઓફ ઈન્ડિયા

RBIની 3 દિવસીય MPCની બેઠક શરૂ, જેમાં રેપો રેટ અને અન્ય નાણાકીય નીતિઓ અંગે નિર્ણય

September 29, 2025 | 23:36 IST