Vadodara: ઐતિહાસિક કાલાઘોડા બ્રીજનું રીપેરીંગ કામ શરૂ કરાયું!

વડોદરા શહેરના મુખ્ય બે ભાગને જોડતો અને ઐતિહાસિક હેરિટેજ વિશ્વામિત્રી બ્રીજની હાલત અંગે તાજેતરમાં જ આ બ્રીજને ટકાવી રાખવા માટે તાત્કાલિક ધોરણે તેનું રીપેરીંગ કામ શરૂ કરવા લેવાયેલા નિર્ણય બાદ આ બ્રીજનું તાત્કાલિક ધોરણે રીપેરીંગ કામ શરૂ કરાયું છે. 

સરકાર તરફથી હમણાં ઘણા બધા હેરીટેજ સાઇડને નવીનીકરણ કરવાનું કામ શરૂ કરવામાં આવ્યું છે.જે જગ્યાએ જૂના બાંધકામ થયેલા છે. તે બધી જગ્યાને નવા કરવાનું કામ શરૂ થઈ ગયું છે.જેમકે વડોદરા શહેર ફરતે અનેક દરવાજાને પણ નવીનીકરણ કરવામાં આવે છે.હેરીટેજ નવીનીકરણમાં શહેરની અંદર આવેલા પોળોના મકાનોનું પણ સમાવેશ થાય છે. ઉલ્લેખનીય છે કે,શહેરની ધોરી નસ સમાન ગણાતા અને શહેરને રેલ્વે સ્ટેશન તરફના પશ્ચિમ વિસ્તારને જોડતા મુખ્ય બ્રીજ વિશ્વામિત્રી નદીનો ગણાય છે.ઐતિહાસિક અને હેરિટેજ સમાન આ બ્રીજ ખખડધજ થયો હોવાની માહિતીથી પાલિકા તંત્ર વાકેફ થયું હતું.પરિણામે આ બ્રીજને હજી લાંબા સમય સુધી ટકાવી રાખવા માટે તાત્કાલિક ધોરણે રીપેરીંગ કામ શરૂ કરવામાં આવ્યું છે.નદીમાંથી પસાર થતાં પ્રદૂષિત વિશ્વામિત્રી નદીના ગંદા પાણીમાં તાત્કાલિક ધોરણે બામ્બુથી પાલખ બાંધવામાં આવી હતી.આ ઉપરાંત જરૂરી જણાય ત્યાં અન્ય જગ્યાએ પણ બામ્બુથી પાલખ ઉભી કરવામાં આવી હતી.બીજી બાજુ દિવાલો પરનું પ્લાસ્ટરના પોપડા પણ અનેક જગ્યાએ ઉખાડવા માંડ્યા હતા. એવી જ રીતે સીલીંગમાં પણ કેટલીક જગ્યાએ પ્લાસ્ટર ઉખડી ગયું હોવાનું જણાવ્યું હતું.