Vadodara: વર્ક પરમીટ વિઝાના નામે વ્યાપારી સાથે છેતરપિંડી!

વડોદરાના માંજલપુરમાં વ્રજધામ મંદિરની સામે માતૃપુરમ સોસાયટીમાં રહેતા અમિતકુમાર વિજયભાઈ ગુલરાજાનીએ માંજલપુર પોલીસ સ્ટેશનમાં ફરિયાદ નોંધાવી જણાવ્યું છે કે હું યુનિટોટ ઇન્ટરનેશનલ નામથી પાસપોર્ટ વિઝા અને હોટલ બુકીંગનો બિઝનેસ કરું છું.ત્રણ વર્ષ અગાઉ ફેસબુક પર હર્ષદ રાકેશભાઈ બ્રહ્મભટ્ટ નામના વ્યક્તિ સાથે પરિચય થયો હતો.

તેમને મને કહ્યું હતું કે મારી યુ.કે ખાતે કંપનીમાં ઓળખાણ છે અને જુદી-જુદી વર્ક પરમીટ કામ કરવાની વેકેન્સી છે તમારે કામ જોઈએ તો જણાવજો.મીટીંગ કર્યા પછી બે ત્રણ મહિનામાં મેં 21 છોકરા-છોકરીઓની યુ.કેની વર્ક પરમીટ વિઝાની ફાઈલ તેમને મોકલી હતી.જેમાં એક ક્લાયન્ટનો ખર્ચ 7.5 લાખ રૂપિયા નક્કી કરી 21 ક્લાયન્ટના 1.57 કરોડ થશે તેવું જણાવ્યું હતું.મેં તેમને 20.81 લાખ ચૂકવ્યા હતા.પરંતુ તેમને મારો ફોન રિસીવ કરવાનું બંધ કરી દીધું હતું અને યોગ્ય જવાબ પણ આપતા ન હતો.