ગેરકાયદે રેતી ભરેલી ટ્રક રોકતા આપી ધમકી

વડોદરામાં અનેક વિસ્તારમાં ખનીજ માફિયાઓ બેફામ બન્યા છે. આ વાતની રજુઆત સાંસદ અને ધારાસભ્યો પાસે અનેક વખત જિલ્લા કલેક્ટર પાસે કરવાાં આવી છે. છતાં પણ બેરોકટોક ખનનનું કમ ચલાવવામાં આવે છે. તાજેતરમાં ગેરકાયદેસર ખનન કરીને લઇ જવાતી રેતી ભરેલી ટ્રકને  કોંગ્રેસના ચૂંટાયેલા પ્રતિનિધી દ્વારા રોકવામાં આવી હતી, ટ્રક રોકવામા આવતા ટ્રક ડ્રાઈવર અને કોંગ્રેસા પ્રતિનિધી વચ્ચે માથાકુટ થઇ હતી. જેમાં તેમની પાસેથી પૈસા લૂંટીને તેમની જોડે ગેરવર્તણુંક પણ કરવામાં આવી હતી. જેને પગલે કોગ્રેસ પ્રતિનિધી દ્વાર ડભોઇ પોલીસ મથકમાં 8 થી વધુ લોકો વિરુદ્ધ ફરિયાદ દાખલ કરવામાં આવી છે.

ડભોઇ પોલીસ મથકમાં અજયભાઇ નરસિંહભાઇ રાઠવાએ નોંધાવેલી ફરિયાદ અનુસાર, તેઓ ડભોઇ પાલિકાના વોર્ડ નં - 9 ના ચૂંટાયેલા સભ્ય છે. તેઓ કોંગ્રેસમાંથી ચૂંટાઇને આવ્યા છે. તાજેતરમાં તેઓ મિત્ર સાથે કરણેટ ગામે ડભોઇ પાલિકાના વોટર પંપ પ્લાન્ટ ઉપર હતા. બાદમાં તેઓ નિરીક્ષણ માટે ફ્રેન્ચવેલના સ્થળ પર ગયા હતા. દરમિયાન રેતી ભરેલી ત્રણ ગાડીઓ જોઇ હતી. બાદમાં તેઓ ત્યાંથી આગળ વધ્યા હતા. કામ પતાવીને પરત ફરતા ત્રણ ગાડીઓ ફરી જોવા મળતા તેમણે પુછ્યું કે, આ ગાડીઓ કોની છે. ચાલકોએ જણાવ્યું કે, બંને ગાડીઓ વડોદરાની છે.

ત્યાર બાદ ફરિયાદીએ પોલીસ મથકમાં ફોન કરીને વર્ધિ લખાવી કે, પાલિકાના પ્રતિબંધિત વિસ્તારમાં ગેરકાયદેસર ગાડીઓ રેતી ચોરી કરીને જઇ રહી છે. બાદમાં સંજયભાઇ નગીનભાઇ તથા અન્યએ આવીને જણાવ્યું કે, આ બે ગાડીઓ મારી છે. આ અમારો વિસ્તાર છે, તમારે અહિંયા આવવાનું નહીં. બાદમાં ફરિયાદી જોડે ગેરવર્તણુંક કરી હતી. અને માર મારીને પૈસની લૂંટ કરી હતી.