Surat: આજનો દિવસ સુરતીઓ માટે ખૂબ કપરો,અનેક લોકોનું રેસ્ક્યૂ!

સુરતમાં ભારે વરસાદથી ઠેર-ઠેર પાણી ભરાયા હતા.છેલ્લા 4 કલાકમાં 6 ઈંચ વરસાદ વરસ્યો છે.વરસાદ વરસતાની સાથે નીચાણવાળા વિસ્તારમાં પાણી ભરાયા છે.લાલ દરવાજા પાસે બેંકના કર્મીઓ પાણીમાં ફસાયા હતા.પાણીમાં ફસાયેલા 12 કર્મચારીઓનું મહિધરપુરા પોલીસ સ્ટાફે ફાયર વિભાગ રેસ્ક્યુ કરી સલામત સ્થળે ખસેડવામાં આવ્યા હતા.

12 કર્મચારીઓનું રેસ્ક્યુ : 

શહેરમાં ભારે વરસાદના પગલે શાળાઓમાં રજા જાહેર કરવામાં આવી છે. ઉધના દરવાજા વિસ્તારમાં પાણી ભરાયા છે, બેગમપુરા વિસ્તારમાં પાણી ભરાયા છે અને સહારા દરવાજા ગરનાળામાં પાણી ભરાયું છે.રાંદેર સિંગણપોર કોઝવે બંધ કરાયો છે.સુરતના કામરેજમાં 1.81 ઇંચ વરસાદ,તલાલામાં 1.34 ઇંચ, વ્યારામાં 1.1 ઇંચ,વાલોદ અને માંડવીમાં 1-1 ઇંચ વરસાદ,કપરાડામાં 75 મી.લી,ઉમરગામમાં 71 મી.લી વરસાદ,બારડોલીમાં 47 મીમી,માળીયાહાટીના 47 મી.લી  વરસાદ,ડેડીયાપાડામાં 43 મી.લી,વાપીમાં 39 મી.લી  વરસાદ ખાબકયો છે.

સ્કૂલના વિધ્યાર્થીઓનું રેસ્ક્યૂ : 

સુરતના નવસારી બજારમાં બાળકોથી ભરેલી સ્કૂલ વાન વરસાદી પાણીમાં ફસાતા ફાયર વિભાગ તેમની વહારે આવ્યું હતું.વાનમાં ફસાયેલા 10 બાળકોનું ફાયર વિભાગ દ્વારા તેમની ફાયરની ગાડીમાં બેસાડીને સલામત સ્થળે ખસેડવામાં આવ્યા. રેસ્ક્યૂ કરાયેલા તમામ બાળકોને તેમના વાલિયોને સોંપવામાં આવતા બાળકોના પરિવારજનોને ફાયર વિભાગનો આભાર માન્યો હતો. 

ટ્રેક્ટર દ્વારા લોકોનું રેસ્ક્યૂ : 

સુરત શહેરમાં વેદ રોડ વિસ્તારમાં વરસાદી પાણી ભરાયા હતા.ઠેર ઠેર વરસાદી પાણીમાં લોકો અને વિદ્યાર્થીઓ ફસાયા હતા.તમામ ફસાયેલા લોકોને બચાવવા પોલીસ આવી પહોંચી હતી.ચોક બજારમાં પોલીસ દ્વારા ટ્રેક્ટરમાં લોકોનું રેસ્ક્યૂ કરવામાં આવ્યું હતું.મોટા ભાગના નાના ભૂલકાઓ સ્કૂલે જતી વખતે પાણીમાં ફસાયા હતા.ચોક બજારમાં PI N G ચૌધરી અને તેમની ટીમ દ્વારા રેસ્ક્યુ હાથ ધરવામાં આવ્યું હતું.જે લોકોને પોલીસે રેસ્ક્યૂ કરી સલામત સ્થળે ખસેડયા તે તમામ લોકોએ પોલીસનો આભાર માન્યો હતો 

165 તાલુકાઓમાં મેઘરાજા વરસ્યા : 

રાજ્યમાં છેલ્લા 24 કલાકમાં 33 જિલ્લાના 165 તાલુકાઓમાં મેઘરાજા વરસ્યા છે.ત્યારે સ્ટેટ ઇમરજન્સી ઓપરેશન સેન્ટર-SEOC,ગાંધીનગરના અહેવાલ મુજબ છેલ્લાં 24 કલાક દરમિયાન જામનગર જિલ્લાના જોડિયા તાલુકામાં સૌથી વધુ 7 ઇંચથી વધુ વરસાદ વરસ્યો છે.જ્યારે જૂનાગઢના મેંદરડા તાલુકામાં 6 ઇંચ જેટલો વરસાદ નોંધાયો છે.