Rajkot : હનીટ્રેપમાં નવો વળાંક, સગીરાનો ચોંકાવનારો ખુલાસો, પોલીસ ભૂમિકા શંકાના દાયરામાં!

રાજકોટમાં ચકચારી અમિત ખૂંટ આત્મહત્યા કેસમાં એક નવો અને અત્યંત સનસનાટીપૂર્ણ વળાંક આવ્યો છે. આ કેસમાં જેના પર હનીટ્રેપનો ગંભીર આક્ષેપ કરવામાં આવ્યો છે તે સગીરાએ પોતે જ JMFC ફર્સ્ટ ક્લાસ કોર્ટ સમક્ષ મોટું નિવેદન આપ્યું છે. સગીરાએ ચોંકાવનારો ઘટસ્ફોટ કરતા જણાવ્યું છે કે, "મારા પર દુષ્કર્મ થયું છે, જોકે પોલીસ મને ખોટી રીતે ફસાવી રહી છે." આ નિવેદનથી સમગ્ર કેસની દિશા બદલાઈ ગઈ છે અને પોલીસની ભૂમિકા પર પણ ગંભીર સવાલો ઉભા થયા છે.

સગીરાએ પોતાના નિવેદનમાં વધુમાં જણાવ્યું હતું કે, "જયરાજસિંહ જાડેજાના માણસો દ્વારા મારા પર દબાણ કરવામાં આવી રહ્યું હતું." આ આક્ષેપ રાજકીય વર્તુળોમાં પણ ખળભળાટ મચાવનારો છે. સગીરાએ કોર્ટ સમક્ષ સ્પષ્ટપણે જણાવ્યું કે, આ કેસમાં અનિરુદ્ધસિંહ જાડેજા, રાજદીપસિંહ જાડેજા, દિનેશ પાતર, રહીમ અને સંજય પંડિતને ખોટી રીતે ફસાવવામાં આવ્યા છે. તેણે પોતાના વકીલ મારફતે કોર્ટ સમક્ષ આ તમામ નિવેદનો આપ્યા છે.

આ પણ વાંચો : Surat : સાયબર ગુનેગારોનો 'ડિજિટલ ફંદો', ₹16.65 લાખની ઠગાઈ, ભાવનગરથી ઠગ ઝડપાયા!

આ કેસમાં પીડિતા (સગીરા) અને તેના વકીલ ભૂમિકાબેન પટેલ દ્વારા આપવામાં આવેલી માહિતી અનુસાર, સગીરાના વકીલે કોર્ટ સમક્ષ આ સમગ્ર મામલે અલગ ગુનો દાખલ કરવાની માંગ કરી છે. સગીરાના નિવેદન બાદ હવે પોલીસ તંત્ર અને તપાસ એજન્સીઓ પર નવેસરથી દબાણ આવ્યું છે.

આ પણ વાંચો : Ahmedabad માં બેફામ ફરે છે યમદૂત! 18 વર્ષના યુવકની બેફામ ડ્રાઈવિંગથી બ્લાસ્ટ અને પછી...

આ ઘટનાએ રાજકોટના રાજકીય અને સામાજિક વર્તુળોમાં ભારે ચર્ચા જગાવી છે. અગાઉ હનીટ્રેપનો ભોગ બન્યાનો આક્ષેપ કરનાર સગીરા જ હવે દુષ્કર્મનો આરોપ લગાવી, પોલીસ અને કેટલાક રાજકીય સંબંધો ધરાવતા લોકો પર દબાણ અને ખોટી રીતે ફસાવવાના આરોપ લગાવી રહી છે, ત્યારે આ કેસમાં સત્ય શું છે તે જાણવા માટે વધુ ઊંડાણપૂર્વક તપાસની જરૂરિયાત ઊભી થઈ છે. હવે જોવું રહ્યું કે, પોલીસ અને ન્યાયતંત્ર આ નવા વળાંક બાદ કેવા પગલાં ભરે છે.

આ પણ વાંચો : Vadodara : બોગસ દસ્તાવેજોનું મોટું રેકેટ, આધારકાર્ડ કઢાવવા ગયેલી મહિલા નકલી જન્મદાખલા સાથે ઝડપાઈ!