ગુજરાત પર મેઘરાજા મહેરબાન: અમરેલીમાં ઓરેન્જ એલર્ટ નદીઓ જળાશયથી ભરાઈ!

ગુજરાતમાં હવામાન વિભાગે ભારે વરસાદની આગાહી કરી છે.ત્યારે અમરેલી જિલ્લામાં આજે હવામાન વિભાગ દ્વારા ઓરેન્જ એલર્ટ જાહેર કરવામાં આવ્યું છે.આ દરમિયાન રાજુલા,સાવરકુંડલા,વડિયા,કુંકાવાવ,અમરેલી સહીતમાં ધોધમાર વરસાદ પડ્યો છે.જેના કારણે શેત્રુંજી નદીમાં પૂરની સ્થિતિ સર્જાઈ છે.આ ઉપરાંત અમરેલી-બગસરા વચ્ચે આવેલા બાબાપુર ગામ નજીક સાતલડી નદીમાં પૂર આવ્યું છે.અમરેલી જિલ્લામાં સારા વરસાદથી ખેડૂતોમાં ખુશીનો માહોલ છવાયો છે.તેમજ અનેક વિસ્તારોમાં વાવાણી લાયક વરસાદ થતાં ખેડૂતો વાવણીની કામગીરી આદરી છે. 

 

હવામાન વિભાગની આગાહી : 

હવામાન વિભાગની આગાહી અનુસાર,આજે અમરેલી,ભાવનગર,નવસારી,વલસાડ,બોટાદ,અરવલ્લી,મહીસાગર,દાહોદ,વડોદરા,  આણંદ,ભરૂચ,પંચમહાલ,જિલ્લામાં અતિભારે વરસાદની આગાહી છે.આ જિલ્લાઓમાં આજે જોરદાર વરસાદ વરસી શકે છે.  

 

 

24મી જૂનની આગાહી : 

24 જૂનના રોજ સૌરાષ્ટ્ર અને દક્ષિણ ગુજરાતના સહિતના 16 જિલ્લામાં મેઘગર્જના સાથે ભારેથી અતિભારે વરસાદની આગાહી છે.જેમાં અમરેલી,ભાવનગર, નવસારી,વલસાડ જિલ્લામાં ઑરેન્જ ઍલર્ટ અને રાજકોટ,જૂનાગઢ,ગીર સોમનાથ,ભરૂચ,નર્મદા,સુરત,તાપી,ડાંગ,વડોદરા,છોટા ઉદેપુર,પંચમહાલ,દાહોદ જિલ્લામાં ગાજવીજ સાથે ધોધમાર વરસાદને લઈને યલો ઍલર્ટ જાહેર કર્યુ છે. 

25 જૂનની આગાહી : 

25 જૂને અરવલ્લી,મહીસાગર,દાહોદ,પંચમહાલ,છોટા ઉદેપુર,નવસારી,વલસાડ,ભાવનગર,અમરેલી,જિલ્લામાં ઑરેન્જ ઍલર્ટ અને પોરબંદર,જૂનાગઢ,ગીર સોમનાથ,બોટાદ,આણંદ,અમદાવાદ,ગાંધીનગર,ખેડા,સાબરકાંઠા,વડોદરા,સુરત,તાપ,ડાંગ,નર્મદા અને ભરૂચ જિલ્લામાં ભારે વરસાદની આગાહી છે. જ્યારે આગામી 26 થી 28 જૂન સુધીમાં રાજ્યભરમાં ગાજવીજ સાથે ભારેથી અતિભારે વરસાદને પગલે હવામાન વિભાગે ઍલર્ટ જાહેર કર્યુ છે.