વડોદરામાં કેપી ટ્રાન્સપોર્ટમાં 3 દિવસમાં બીજી વખત દારૂનો જથ્થો ઝડપાયો, 2 આરોપી વોન્ટેડ જાહેર

વડોદરાના હરણી વિસ્તારમાં દારૂની હેરાફેરીના મામલાઓ સતત સામે આવી રહ્યા છે. ગુજારવામાં આવેલી માહિતી મુજબ, ગોલ્ડન ચોકડી નજીક આવેલી કેપી ટ્રાન્સપોર્ટમાંથી 3 દિવસમાં બીજી વખત દારૂનો જથ્થો ઝડપાયો છે, જેને કારણે પોલીસતંત્ર ચોંકી ઉઠ્યું છે.

દરેક વખત દારૂ અલગ પેકિંગ હેઠળ છૂપાવીને મોકલવામાં આવ્યો હતો. એક પંદર દિવસ પહેલાં હરણીની બીજી ટ્રાન્સપોર્ટ કંપનીમાંથી 1,702 બોટલ દારૂ મળી હતી. ત્યારબાદ કેપી ટ્રાન્સપોર્ટમાંથી, સંગમ હોટલ પાછળ, કેમિકલના માલના ઓછી હેઠળ 1,398 બોટલ દારૂ ઝડપાઈ હતી. હવે ફરીથી કેપી ટ્રાન્સપોર્ટમાંથી પૂંઠાના બોક્સમાં છૂપાવેલી 312 બોટલ દારૂ, અંદાજે 1.63 લાખ રૂપિયાની કિંમતની મળી છે.

આ મામલે હરણી પોલીસે ગોત્રી વિસ્તારમાં આવેલા ગાયત્રી ટ્રેડર્સના માલિક અને હરિયાણાના અંબાલામાં આવેલી શાંતા એન્ટરપ્રાઈઝ એન્ડ ટ્રેડર્સ (માર્બલ માર્કેટ, અંબાલા) સામે વોન્ટેડ જાહેર કર્યા છે.

પોલીસનું માનવું છે કે, દારૂના ખેપીયાઓ હવે હેરાફેરી માટે ટ્રાન્સપોર્ટ કંપનીઓનો પણ ખોટી રીતે ઉપયોગ કરી રહ્યા છે, જેના કારણે હવે ટ્રાન્સપોર્ટ કંપનીઓ પર પણ વધુ કડક નજર રાખવાની ફરજ પડી છે.