Jamnagar: બ્રાસપાર્ટ ભઠ્ઠીમાં આગ 4 શ્રમિકો દાઝયા!

જામનગર નજીક એક જીઆઈડીસીમાં રવિવારે સાંજે 6 વાગ્યાની આસપાસ એક બ્રાસપાર્ટની ભઠ્ઠીમાં પિત્તળનો ભંગાર ઓગાળવામાં આવતો હતો. તે દરમિયાન એકાએક બ્લાસ્ટ થયો હતો અને પિત્તળનો પ્રવાહી રસ ઉડવાના કારણે ૪ શ્રમિકો ગંભીર રીતે દાઝી ગયા હતા.જેથી બ્રાસપાર્ટના એકમમાં ભારે નાસભાગ થઈ હતી.

આ બનાવ અંગે જાણ થતાં 108ની ટુકડી ઘટના સ્થળે પહોંચી ગઈ હતી.આ ઉપરાંત પંચકોષી બી ડિવિઝનનો પોલીસ કાફલો ઘટના સ્થળે દોડી આવ્યો હતો.બ્રાસપાર્ટની ભઠ્ઠીમાં કામ કરી રહેલા ચાર શ્રમિકો સોમપાલ પાસવાન,વિજયકુમાર,અનિલભાઈ તથા સંજય પાસવાન નામના 4 શ્રમિકો ગંભીર રીતે દાઝયા હતા.આ ચારેયને એમ્બયુલન્સ મારફતે સારવાર માટે જામનગરની સરકારી જી.જી.હોસ્પિટલમાં દાખલ કરવામાં આવ્યા હતા.જેમાં એક શ્રમિક ગંભીર રીતે દાજી ગયો હતો.હાલ ચારેયની સઘન સારવાર ચાલી રહી છે.સમગ્ર મામલે જાણ થતાં પોલીસની ટુકડી ઘટના સ્થળે તેમજ જી.જી. હોસ્પિટલમાં દોડ ગઈ હતી.અને આ બનાવ અંગે વધુ તપાસ ચાલી રહી છે.