અમદાવાદ પ્લેન ક્રેશની તપાસમાં NTSB સહિત 8 એજન્સીઓ જોડાઈ, બોઈંગની ટીમ પણ હાજર

અમદાવાદમાં થયેલી પ્લેન ક્રેશની ઘટનાની તપાસ માટે ભારત ઉપરાંત વિદેશની અનેક મહત્ત્વની એજન્સીઓ જોડાઈ છે. DGCA સાથે સાથે અમેરિકા અને બ્રિટનની સંસ્થાઓ પણ તપાસમાં જોડાઈ ગઈ છે. આ સ્થળ પર NTSB, FAA, ICAO જેવી વૈશ્વિક એવિએશન એજન્સીઓના અધિકારીઓએ મુલાકાત લીધી હતી. આ સાથે જ બોઇંગ કંપનીની ટેકનિકલ ટીમ પણ હાજર રહી.

તપાસનો વ્યાપ વિશાળ

ઘટનાસ્થળે આવેલા બોઇંગના નિષ્ણાતો હવે ફ્યૂઅલ સિસ્ટમ, એન્જિન તથા હાઇડ્રોલિક સિસ્ટમની તપાસ કરશે. NTSB (National Transportation Safety Board), જે 1940માં સ્થપાઈ હતી અને 85 વર્ષથી વધુ જૂની છે, તે પણ તપાસમાં જોડાઈ છે. આ એજન્સી વિમાન દુર્ઘટનાઓના આધારભૂત કારણોની તપાસ કરે છે.

વિશ્વ સ્તરે જોડાઈ આવેલી તપાસ એજન્સી

આ તપાસ એજન્સીઓમાં અમેરિકાની નેશનલ ટ્રાન્સપોર્ટ સેફ્ટી બોર્ડ (NTSB) સૌથી જૂની છે. જેની સ્થાપના વર્ષ 1940માં થઇ હતી. ભારત સરકારે 2012માં એરક્રાફ્ટ એક્સિડન્ટ ઇન્વેસ્ટિગેશન બ્યૂરો (AAIB)ની રચના કરી હતી. આ એજન્સી પ્લેન ક્રેશની ઘટનાની તપાસ કરે છે. નેશનલ ટ્રાન્સપોર્ટ સેફ્ટી બોર્ડ (NTSB)ની રચના 1940માં થઇ હતી. આ સંસ્થા એરફ્રાફ્ટ એક્સિડન્ટ્સના કારણોની તપાસ કરે છે. જ્યારે ફેડરલ એવિએશન એડમિનિસ્ટ્રેશને (FAA) 1958થી પોતાનું કામ શરૂ કર્યું હતું. તે સુરક્ષિત અને કાર્યક્ષમ એરોસ્પેસ સિસ્ટમ માટે કામ કરે છે. ઇન્ટરનેશનલ સિવિલ એવિએશન ઓર્ગેનાઇઝેશન (ICAO)ની રચના 1944માં થઇ હતી. આ સંસ્થા આંતરરાષ્ટ્રીય નાગરિક ઉડ્ડયન માટે રાજ્યોના વૈશ્વિક મંચ તરીકે સેવા આપે છે. તે નીતિઓ અને ધોરણો બનાવે છે અને અભ્યાસ તેમજ વિશ્લેષણ કરે છે.

એજન્સીઓની મુલાકાત અને તપાસ

બોઇંગના ઉચ્ચ અધિકારીઓએ પણ ક્રેશ સાઇટની મુલાકાત લીધી છે. ટેકનિકલ તપાસમાં ફ્યૂઅલ સિસ્ટમ, એન્જિન, હાઇડ્રોલિક મેકેનિઝમ જેવા પાસાઓનું વિશ્લેષણ કરવામાં આવી રહ્યું છે. બીજી તરફ, AAIB (Aircraft Accident Investigation Bureau) એ પ્લેનનું બ્લેક બોક્સ પણ શોધી કાઢ્યું છે, જે તપાસ માટે અગત્યનું માનવામાં આવે છે.

કેન્દ્ર સરકારની નિષ્ણાત ટીમ અને NIA પણ તપાસમાં

કેન્દ્ર સરકારે પણ વિશેષ નિષ્ણાતોની એક ટીમની રચના કરી છે, જ્યારે રાષ્ટ્રીય તપાસ એજન્સી (NIA)એ પણ ઘટનાસ્થળે જઈ તપાસ કરી છે. છેલ્લા 3 દિવસથી સતત તપાસ ચાલી રહી છે અને તમામ પાસાઓની ઊંડાણપૂર્વક તપાસ થઈ રહી છે.